Numeri 20:10 - সান্তালী বাইবেল

¹⁰ Ar unkin do ona maraṅ dhiri ṭhen hoṛkin jarwaketʼkoa. Ona tayom Mose do onkoe metatʼkoa, “E ṭhoṭhok hoṛko, noa dhiri khon cetʼ dakʼ liń oḍokapea?”

Numeri 20:10 Referans Kwoze

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Dosar Biboron 9:24

Iń do ape tis khoniń baḍae akatʼpe un khongeń ńelakada, ape do Probhu Isor upạrtepe ṭhok ạguakada.

Genesis 41:16

Joseph do Pharaoe metadea, “Ona reakʼ daṛe do bạnukʼtińạ. Menkhan Isor do Maharajakʼ kukmũ reakʼ manetetʼe lạiyaea ar uniyakʼ monre suluke danaea.”

Genesis 40:8

Unkin dokin roṛ ruạṛadea, “Ạliń bana hoṛge mimitʼ goṭecʼ liń kukmũ akada, menkhan ona reakʼ bhede lạiyạliń nonkan celege nonḍe do bạnukʼkoa.” Joseph doe metatʼkinạ, “Ona kukmũ reakʼ bhed lại daṛeaben reakʼ ektiạri do cetʼ Isorakʼ tire bạnukʼa? Oka kukmũ ben ńelakatʼ ona baṛe lạiyạń ben.”

1 Korinthiko 3:7

Onate rohoeyicʼ hõ cele hoẽ baṅkana ar dakʼ emakʼicʼ hõ baṅ, menkhan okoeye hara ocoyetʼ uni do Isorge.

Exodus 17:6

Ona tayom iń do Horeb buru ṭhen am samaṅre mitʼṭecʼ dhiri cetanreń teṅgona. Am do ona dhirim dala ar onate hoṛko lạgitʼ onḍe khon dakʼ oḍokokʼa.” Ar Mose do Israelkoren murubbiko samaṅreye onkakeda.

Numeri 20:24

“Aron do acʼren hapṛamko ṭhen calakʼ hoyokʼtaea. Okaṭakʼ disạm Israel hoponkoń emako onḍe uni do bae bolo daṛeakʼa ente aben do Meribare dakʼ iạte ińakʼ hukum birudben kạmileda.

Sereńko 78:16

Buru lekan dhiri khon uni do dakʼ jharnae oḍok ocoleda; ona dakʼ do gaḍa dakʼ lekageye ạtu ocoleda.