Numeri 2:18 - সান্তালী বাইবেল

^18-19 “Pạchim secʼre do Ephrayem dol reakʼ nisạnren hoṛko ḍerakʼa. Ephrayem gusṭiren mukhiyạ doe hoyokʼkana Ahimudren hopon Elisama ar uniren hoṛkoakʼ lekha do pongel hajar mõṛẽsae.

Numeri 2:18 Referans Kwoze

Numeri 10:22

Noko tayom do Ephrayim nisạnren eṭakʼ eṭakʼ dolko mohnḍayena. Ephrayim gusṭiren mukhiyạ do Amihudren hopon Elisamae tahẽkana.

Numeri 1:10

Josephren hoponko modre Ephrayim gusṭikoren Amihudren hopon Elisama ar Manase gusṭiren Pedasurren hopon Gamaliel,

Dosar Biboron 33:17

Uniren pạhil janam adar doe ṭhonokana, uniyakʼ bohokʼre kạpil gại reakʼ dereńge menakʼa. Onate uni do prithimiren sanam jạtrenkoe hoṭakʼ pạsirkoa, ar ses simạnare menakʼko jạtrenko hõ. Ephrayimren do lakh lakh ar Manaseren do hajar hajar hoṛko hoyokʼa.”

Numeri 7:53

sulukren samaṅokʼ lạgitʼ barea ḍaṅgra, mõṛẽ goṭen bheḍa, mõṛẽ goṭen merom boda ar mitʼ bochor umerren mõṛẽ goṭen bheḍa hopon. Noko do Ephrayemren hopon Elisamaren sandesko tahẽkana.

Numeri 7:48

Eaeakʼ dinre Ephrayim gusṭiren mukhiyạ Amihudren hopon Elisama do acʼakʼ sandese ạgukeda.

Numeri 1:32

Josephren hoponko talare Ephrayem bõsrenko modren okoekoakʼ umer do bargel se ona khon ḍher, metakʼme okoe do lạṛhại lạgitʼ oḍok calakʼ lekako tahẽkan, onko do gusṭi ar gharońj reakʼ oprom lekate ńutum ol caṛhaoentakoa.

Genesis 48:5

Am ṭheniń hijukʼ lahare amren okoekin hoponkin janamlen unkin hõ ińren hoponko talarekin lekhakʼa. Ruben ar Simeon cetʼleka ińren kanakin onkage Ephrayem ar Manase hõ ińren kanakin.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.