Numeri 2:17 - সান্তালী বাইবেল

¹⁷ “Ona tayom Liwi gusṭirenko do ńapamokʼ tạmbu uṭhạukateko mohnḍakʼa. Noko do joto dol reakʼ nisạnrenko talareko tahena. Onko do cetʼleka ḍerareko tahẽkan onkage uṭhạukʼ hoyokʼtakoa. Ar mimitʼko do akoakʼ dol reakʼ nisạn sãote tahen hoyokʼtakoa.

Numeri 2:17 Referans Kwoze

Numeri 10:21

Noko tayom Kohatkoren do sekʼwa tạmbu reakʼ sonot jiniskoanteko mohnḍayena. Onko seṭerokʼ laharege sekʼwa tạmbu do umul reakʼ katha tahẽkana.

Numeri 10:17

Inạ tayom do sekʼwa tạmbuko raṛa pheḍkeda ar Gersonren ar Merarirenko onako gokʼ idikeda.

Kolossiko lạgitʼ Pạul Apostolakʼ ciṭhi 2:5

Iń do hoṛmo secʼte hạjir bạnuńre hõ Jiu secʼte doń hạjirgea ar apeakʼ bhage cạl-colon ar Mạsire apeakʼ kajaktetʼ ńeletʼteń rạskạkʼ kana.

1 Korinthiko 14:40

Menkhan noako sanamakʼ do ṭhik leka ar napaetege baṛe hoyokʼma.

Numeri 3:38

Ńapamokʼ tạmbu samaṅre, metakʼme sekʼwa tạmbu reakʼ purub secʼre do Mose, Aron ar uniren hoponko ḍerakʼ lạgitʼ metatʼko tahẽkana. Onkoakʼ dạyik do tahẽkana Israelko lekate sonot ṭhạ̃i reakʼ sanamʼ kạmiko jemonko kạmi. Onko chaḍa ar jãhãege sekʼwa tạmbu reakʼ ṭhonok ṭhạ̃iteye bolokʼ uni doe gocʼ ocokʼa.

Numeri 2:1

Inạ tayom Probhu Isor do Mose ar Arone galmaraoatʼkinạ,

Numeri 2:18

“Pạchim secʼre do Ephrayem dol reakʼ nisạnren hoṛko ḍerakʼa. Ephrayem gusṭiren mukhiyạ doe hoyokʼkana Ahimudren hopon Elisama ar uniren hoṛkoakʼ lekha do pongel hajar mõṛẽsae.