Numeri 19:8 - সান্তালী বাইবেল

⁸ Okoe uni gạiye atare uni hõ acʼakʼ kicricʼko saphae hoyokʼtaea are ḍạbrạ saphakʼa ar ạyupʼ hạbicʼ besapha akane tahena.

Numeri 19:8 Referans Kwoze

Levitikus 16:28

Ar okoe hoṛ ona atar giḍikakʼ lạgitʼ bahreteye calakʼ uni do acʼakʼ kicricʼkoe saphaetaea are ḍạbrạ saphakʼa ar ona tayom do ḍera bhitriteye bolokʼa.

Numeri 19:7

Inạ tayom naeke do acʼakʼ kicricʼko dakʼteye saphaetaea are ḍạbrạ saphakʼa. Ar inạ tayom do ḍera bhitriteye bolo daṛeakʼa, menkhan ạyupʼ hạbicʼ besapha akan tahen hoyokʼtaea.

Numeri 19:9

Sapha menae nonkan jãhãe hoṛ uni gạiyakʼ torocʼko hạr samṭaokate ḍera bahre jãhãn sapha ṭhạ̃iteye oḍok idiya. Ar ona torocʼ do Israelkoakʼ saphakʼ reakʼ dakʼ benao lạgitʼe dohokakʼa. Noa do chut khon saphakʼ lạgitʼ beohar hoyokʼa.

Levitikus 11:25

Ar jãhãege onkoren mitʼṭecʼ reakʼ mạ̃ṛĩye joṭed enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena.

Levitikus 17:15

“Jãhãege gocʼ janwar se bir janwar tite cirạ ocoakan janwarakʼ jele jom, baṅ do Israelkoge cetʼ baṅ do onko talareko girobasokʼkan eṭakʼ jạtren hoṛkoge cetʼ, uni do acʼakʼ kicricʼkoe saphaetaea are ḍạbrạ saphakʼa. Ar ạyupʼ hạbicʼ besapha akane tahena, ar ona tayom do chut meṭaokʼtaea.

Numeri 19:21

Israelko lạgitʼ noa do mitʼṭecʼ tahẽ utạrakʼ niạmge hoyokʼa. “Okoe hoṛ noa saphakʼ reakʼ dakʼe irciy uni hõ acʼakʼ kicricʼkoe saphaetaea. Ar jãhãege noa saphakʼ reakʼ dakʼe joṭed enḍekhan uni do ạyupʼ hạbicʼ besapha akane tahena.