Numeri 15:36 - সান্তালী বাইবেল

³⁶ Onate Israelko do Mose hotete emakʼ Probhu Isorakʼ hukum leka ḍera bahrete idikate dhiriteko tiń gocʼkedea.

Numeri 15:36 Referans Kwoze

Josuạ 7:25

Ona tayom Josuại menkeda, “Abo cetanre cedakʼ muhin dom ạgukeda? Teheń Probhu Isor do amre hõ muhine paṛao ocoya.” Unre sanam Israelko do pạhilre Akhan ar ona tayom do uni gharońjren sanamko dhiriteko tiń gocʼketʼkoa. Ar ona tayom do jotowakʼko jeretʼ giḍikada.

Numeri 15:35

Unre Probhu Isor do Moseye metadea, “Uni hoṛ do goje hoyokʼa. Israelko ḍera bahrete uniko idiyema ar dhiriteko tiń gojema.”

Numeri 15:37

Ona tayom Probhu Isor do Mose Israelko niạ katha galmaraoakoe metadea, “Ape do apeakʼ oyonakʼ reakʼ ańcarpe dạsiytapea ar mitʼke mitʼ dạsi do nil sutạmte kicricʼ sãotepe ḍuriyạkakʼa. Noa do piṛhike piṛhipe onkaea.

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

1 Rapajko 21:13

Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.