Numeri 15:35 - সান্তালী বাইবেল

³⁵ Unre Probhu Isor do Moseye metadea, “Uni hoṛ do goje hoyokʼa. Israelko ḍera bahrete uniko idiyema ar dhiriteko tiń gojema.”

Numeri 15:35 Referans Kwoze

Aposkạmi 7:58

Onko do dhirite tińe lạgitʼ nagraha bahreteko or oḍokkedea, ar gohako do akoakʼ kicricʼ totʼkate Sạul ńutuman mitʼṭen juạn hoṛakʼ jaṅga ṭhenko dohokeda.

1 Rapajko 21:13

Ar ona tayom barea dusṭami hoṛ do hecʼkate Nabat samaṅrekin duṛupʼente uni upạrte niạ gohakin emkeda, uni do Isor ar raj upạrte bemanotakʼ kathae roṛ akada. Ona tayom hoṛko do nagraha bahrete Nabatko or oḍok idikedete dhiriteko tiń gocʼkedea.

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

Levitikus 24:23

Mose do Israelko noa reakʼ sanam kathakoe baḍae ocoketʼkoa. Ar okoe hoṛ sarape emlen uni do ḍera bahrete idikate dhiriteko tiń gocʼkedea. Ar Probhu Isor do Mose okalekae hukumade tahẽkan onkage Israelko doko kạmikeda.

Luk 4:29

Onko do beretʼente ato bahrete Jisuko oḍok ạgukedea ar buru latarte ṭhelao ńurhạye lạgitʼ coṭ cuṛateko idikedea.

Levitikus 20:27

“Jãhãe herel hoṛ se maejiu hoṛ bhutko se bạṛicʼ jiuko tulucʼ helmelko dohoy enḍekhan onko doko gocʼ ocokʼa. Onko do dhiriteko tiń gocʼ ocokʼa. Ar akoakʼ gujukʼ lạgitʼ do akogeko dạyikokʼa.”

Numeri 15:36

Onate Israelko do Mose hotete emakʼ Probhu Isorakʼ hukum leka ḍera bahrete idikate dhiriteko tiń gocʼkedea.