Numeri 15:15 - সান্তালী বাইবেল

¹⁵ Ape somajre sanamko lạgitʼ niạ niạmge tahẽyena-baṅ do apere ar baṅ do ape talareko girobasokʼ kan eṭakʼ jạtrenko talare. Piṛhike piṛhi niạ niạm do tahẽidikʼa. Ona babotre Probhu Isor samaṅre ape cetʼleka onkage eṭakʼ jạtrenko hõ.

Numeri 15:15 Referans Kwoze

Numeri 15:29

Andhateye ghạṭ akatʼ nonkan mitʼke mitʼ hoṛ lạgitʼ hõ inạ niạmge tahẽyena. Uni do baṅ doe Israelkan baṅ doe eṭakʼ jạtren kan.

Numeri 9:14

“Israelko talareko girobasokʼ kan eṭakʼ jạtren jãhãege Probhu Isor ńutumte bańcaokʼ porobe porobokʼ, enḍekhan uni do porob reakʼ niạm lekate porobokʼ hoyokʼtaea. Israel ar eṭakʼ jạtren sanamkoge niạ mitʼ niạmge manao hoyokʼtakoa.”

Exodus 12:49

Israelko lạgitʼ ar ape talareko tahenkan eṭakʼ jạtren hoṛko lạgitʼ hõ inạ mitʼ hukumge tahẽyena.”

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

1 Samuel 30:25

Enhilokʼ khon Dạud do Israelko lạgitʼ ona lekage niạme ṭhikkeda ar teheń hạbicʼ hõ ona do onkage menakʼa.

Numeri 10:8

“Noa pepṛẽtʼ do Aronren hoponko, metakʼme naekekoko oroṅa. Noa do amren ar am bõsrenko lạgitʼ jaejug hạbicʼ mitʼṭecʼ niạmge hoyokʼa.

Levitikus 24:22

Israelko ar onko talareko girobasokʼ kan eṭakʼ jạtrenko, jotoko cetanre inạ mitʼ niạmge tahẽyena. Ar ińkangeạń aperen Probhu Isor do.”

Exodus 12:43

Tayomte Probhu Isor do Mose ar Arone metatʼkinạ, “Bańcaokʼ porobre bheḍa hopon reaṅ iń do thoṛa niạm iń emaben kana. Eṭakʼ jãhãe jạtren hoṛ noa reakʼ jel do bako jom daṛeakʼa.

Exodus 12:24

“Noa porob do jao okte ape ar aperen bõsko mitʼṭecʼ niạm menkatepe manaoa.

Exodus 12:14

Ape lạgitʼ ona do mitʼṭecʼ disạ dokʼho dinge hoyokʼa. Probhu Isor ńutumte noa porob do mitʼṭecʼ jaejug reakʼ niạm lekate piṛhike piṛhipe porobokʼa.

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtrenko talare se Jihudiko talare, khatna se bin khatna ocoakanko talare, osobbho, nicạṛ jạtrenko, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.

Numeri 18:8

Inạ tayom Probhu Isor do Arone metadea, “Iń ṭhen okako jinis samaṅokʼ ona reakʼ sanamakʼ dạyik ar bhar do amgeń emakawatʼmea. Iń ńutumte Israelkoakʼ samaṅokʼakʼ sanamakʼ sonot jinis do am ar amren bõskoakʼ bakhra kangea.

Numeri 15:14

Eṭakʼ jạtren jãhãe hoṛ se ape talareko girobasokʼ kan eṭakʼ jãhãe hõ Probhu Isor kusi ocoye lạgitʼ jut so lekate seṅgelteakʼ samaṅokʼakʼe samaṅ enḍekhan uni do ape leka jotowakʼge korao hoyokʼtaea. Ar niạ niạm do piṛhike piṛhi tahena.

Exodus 28:43

Aron ar uniren hoponko tinre ńapamokʼ tạmbureko bolokʼa se sonot ṭhạ̃i reakʼ pinḍre sewa kạmi lạgitʼko laha idikʼa unre onko do noa kạṭicʼ penko horoga. Nonkate onko do bin dusạnko tahena ar bako gujukʼa. Aron ar uniren bõsko lạgitʼ noage mitʼṭecʼ niạm leka tahẽyena.

Josuạ 8:33

Israelko ar onko talareko girobasokʼkan eṭakʼ jạtren hoṛko, onkoren mukhiyạko, kạmiyạko ar bikʼcạrko, metakʼme Israel somajren sanam hoṛko do Probhu Isorakʼ bondobos-sinduk reakʼ banarsa aṛereko teṅgo akan tahẽkana; onko do sinduk gogokʼ naekeko samaṅreko tahẽkana. Ar onkoren adha hoṛko do Gerisim buru samaṅre ar adha hoṛko do Ebal buru samaṅreko teṅgoyena. Probhu Isorren guti Mose do laharege noa kathae roṛletʼ tahẽkana tinre uni do Israelko bhorako reakʼ hukume ńamletʼ tahẽkan.