Numeri 14:4 - সান্তালী বাইবেল

⁴ Onko do ako akoreko mepenena, “Dela, mitʼṭen mukhiyạ bon teṅgoyea ar Misorte bon ruạṛ calakʼa.”

Numeri 14:4 Referans Kwoze

Aposkạmi 7:39

“Menkhan aboren hapṛamko do uniyakʼ bataotae bako rebenlena. Ona bodol onko do Mose bạgikate Misor disạm secʼ monko ạcur ruạṛketʼtakote Aronko metadea, ‘abo laha lahate hor udukʼ abon lạgitʼ boṅgako benao abonme. Ente Misor disạm khon okoeye oḍok ạguketʼ bon uniyakʼ cetʼ hoyakana ona do babon baḍaea.’

Luk 17:32

Loṭren bạhuwakʼ katha disạipe.

Dosar Biboron 17:16

Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

Ibriko 11:15

Ar oka disạm khonko oḍok hecʼlen ona disạmko uihạr ruạṛ lekhan, enḍekhan ona disạm ruạṛ calakʼ reakʼ joto ạtgeko ńamkea.

Dosar Biboron 28:68

Misorte calakʼ reaṅ iń metatʼpe tahẽkana, tishõ ona horte do taṛam baṅ lagao apea; menkhan Probhu Isor do unre jahajte Misor disạmteye kol ruạṛpea. Onḍe do guti ar kạ̃ṛmĩ lekate bạiriko ṭhen kiriń ocokʼpe khoja menkhan celege bako kirińpea.

Numeri 14:5

Niạ obosta ńelte Mose ar Aron do Israelren goṭa dolrenko samaṅre otre kin taberena.

Numeri 11:20

menkhan goṭa candoge mũ moca khon hirkhạge ạuri oḍokokʼ hạbicʼpe joma. Noako hoyokʼa ente okoe ape talare menae uni Probhu Isorpe nihạ̃t akadea ar uni samaṅre rakʼatepe menakada, Misor disạm bạgiyakʼ do ṭhikakʼ baṅ hoylentalea.’ ”

Jirimiạ 42:14

arpe men, ‘ale do Misorte senkatele girobasokʼa; onḍe do lạṛhại hõ bale ńela, siṅgạ reakʼ saḍe hõ bale ańjoma, ar jomakʼte hõ bale ṭonṭakʼa,’