Numeri 14:34 - সান্তালী বাইবেল

³⁴ Disạm cikʼyạre oka pongel din lagaolen ona mimitʼ din reakʼ mitʼ bochorkate jotote pongel bochor hạbicʼ ape do apeakʼ behokakʼ lạgitʼ kosṭope joma arpe bujhạua daṛeakʼa, ape upạrteń teṅgolen khan oka hal hoyokʼtapea mente.

Numeri 14:34 Referans Kwoze

Jeheskel 4:6

“Noako purạulen khan arhõm giticʼa; niạ dhao do jojomsa aṛete soṛtatem giticʼa ar Jihudạwakʼ kại reakʼ sạjạiyem goga. Giticʼ akan tahen lạgitʼ iń do pongel din iń ematʼmea, mimitʼ bochor lạgitʼ do mimitʼ din.

Numeri 13:25

Ar pon gel din cikʼyạ tayom onko do onḍe khonko ruạṛ hecʼena.

Daniel 9:24

“Amren hoṛko ar amakʼ sonot nagraha lạgitʼ eaegel hapta ṭhik dohoakana. Ar onako oktere bạṛicʼakʼko do cabakʼa, bedhorom hõ baṅ tahena, kại do puruchunokʼa, ar jaejug dhoromge bikạukʼa, dorson ar nạbi katha purạukʼa ar sonot utạrakʼ ṭhạ̃i do ojokʼ bahal ocokʼa.

Ibriko 4:1

Isorakʼ jirạu joṅ jaegate bolokʼ reakʼ oka gokʼakʼ tahẽkan ona gokʼakʼ do ńit hõ abo lạgitʼ menakʼgea. Onate abo do sontorakae tahen jạruṛ tabona, jemon okoe hõ ona gokʼakʼ reakʼ bhor khon bin lek mente aloe ńamokʼ.

Sereńko 95:10

Pongel bochor hạbicʼ ona piṛhirenkote iń do ạḍiń ạṛis cabalena; ińiń menleda, ‘noko hoṛakʼ ontor do eṭakʼ secʼ ghańjeṛ akantakoa; ińakʼ hor do bako baḍaelakʼa.’

2 Bõsbudạ 36:21

Niạ oktere Israel disạm do acʼakʼ jirạukʼ-bochorreye jirạuena. Jirimiạ hotete roṛlen Probhu Isorakʼ katha eae gel bochor ạuri purạukʼ hạbicʼ onkoakʼ disạm reakʼ sanam jumiko do khạlige tahẽyente jirạuena.

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.

Johan sodor 11:3

Menkhan ińren banar gohakin nonkan ektiạriń emakinạ onate unkin do gõṛẽ kicricʼ horokʼkate mitʼ hajar bar sae turui gel din hạbicʼ kin nạbiya.”

Sakariạ 11:10

Ona tayom iń do Daya ńutumakʼ ona ṭheṅga hataokateń rạputʼkeda ar sanam jạtrenko sãote okaṭakʼ bondobos tahẽkan onań bạtilkeda.

Jeheskel 14:10

Unkin bana hoṛge behok reakʼ sạjạikin ńama; uni nạbi ar solha hatao lạgitʼe hecʼakan hoṛ banarge soman sạjạikin ńama.

Sereńko 105:42

Acʼren golam Abraham ṭhen oka sonot gokʼakʼe doholetʼ onae disạkeda.

Sereńko 77:8

Uniyakʼ asambheṛ daya do cetʼ jaejug lạgitʼ caba utạrena? Ar uniyakʼ gokʼakʼ hõ cetʼ mạutạ utạrokʼa?

Sereńko 38:4

Ińakʼ bedhoromre iń doń unum akana; ona do nonkan bojha leka hoyakana ar bạń gokʼ daṛeakʼ kana.

1 Rapajko 8:56

“Bhạgangeae Probhu Isor do, one okoe acʼakʼ gokʼakʼ lekate acʼren Israel hoṛkoe jirạu ocoakatʼko. Uniren guti Mose hotete okako bhạlại reakʼe gokʼletʼ ona reakʼ mitʼṭecʼ katha hõ uni do bae ạuṛiyakʼ ocoakada.

Numeri 18:23

Liwikoge ńapamokʼ tạmbu reakʼ kạmiko kạmiya ar ona reakʼ behokakʼ lạgitʼ onkoge dạyiko tahena. Piṛhike piṛhi niạ niạmge tahena. Eṭakʼ Israelko talare Liwiko do sompotti reakʼ ạidạri bako ńama.

Levitikus 20:19

Okoehõ jemon eṅgattetʼren boeha kuṛi se hatomtetʼ sãote aloe giticʼmidokʼ. Noa iạte peṛakʼ reakʼ bemanotakʼge hoyokʼa. Ar noa iạte unkin do dạyirekin paṛaokʼa.

Dosar Biboron 2:7

“Aperen Probhu Isor do joto kạmiregeye bhor akawatʼpea. Ar noa maraṅ utạr hahaṅkar talate calakʼ jokhecʼ hõ uni do apeye ńel todarot akatʼpea. Niạ pongel bochor aperen Probhu Isor do ape sãoteye tahẽkana ar apeakʼ jãhãn okulạn hõ baṅ hoylentaepea.

Jeheskel 4:5

Onkoakʼ sạjại ńam reakʼ bochor lekha hisạbkate unạkʼ din iń do gog lạgitʼ iń ematʼmea. Onate am do pesae aregel din Israelakʼ sạjạiyem goga.

Numeri 32:13

Israelko cetanre Probhu Isorakʼ edre do rakapʼena ar uni samaṅre bạṛicʼko kạmikan sanam hoṛko ạuriko marao cabakʼ hạbicʼ pongel bochor hạbicʼ uni do hahaṅkarreye ạcur baṛaletʼkoa.

Josuạ 14:10

“Buluṅ doreãore tinre Israelko doko ạcur baṛaekan tahẽkana ar Probhu Isor do Mose noa kathae metade tahẽkan ar un khon uniyakʼ gokʼakʼ lekate niạ pongel mõṛẽ bochor iń do jiwetʼe dohoakadińạ, ar ńitokʼ ińakʼ umer do irạl gel mõṛẽ bochor hoyakantińạ.

Jeheskel 23:35

Am do ińem hiṛiń arem dea giḍi akadińte amakʼ laṭghaṭ ar kusumbi reakʼ kuṛạiyem joma. Iń Probhu Isorge noa katha doń meneda.”

Hosea 9:12

Onkoren gidrạkoko ạsul haralekore hõ onko gidrạ doń gocʼkoa; onkoren mitʼṭen hõ bako tahena. Hae onko do, tinre onko ṭhen khoniń calakʼa.