Numeri 14:31 - সান্তালী বাইবেল

³¹ Aperen okoeko hopon ar hoponerako recʼ ocokʼ reakʼ kathape menletʼ onkoge iń do ona disạmteń idikoa. Onkoge onepe nindạu akatʼ disạmko ạidạri joṅa.

Numeri 14:31 Referans Kwoze

Dosar Biboron 1:39

Ar okoeko gidrạko reaṅpe menletʼ baṅma bondikateko idikotapea onko gidrạko, okoe do boge bạṛicʼ papacnao reakʼ akel baṅ hoyakantako, onkoge ona disạmteko bolokʼa. Disạm do onkogeń emakoa ar onko do onako dokhol joṅa.

Sereńko 106:24

Tayomte onko do ona mońj disạmko nihạ̃tkeda; onko do Probhu Isorakʼ katha bako pạtiạuada.

Numeri 26:64

Menkhan Mose ar naeke Aron do tinre sinại hahaṅkarre Israelkokin lekhaletʼkoa unre noko do okoehõ bako tahẽkana.

Numeri 26:6

Hesron khon Hesroni bõsko ar Kormi khon Kormiạ bõsko.

Numeri 14:3

Probhu Isor do cedakʼ lạṛhạire gujukʼ lạgitʼ ona disạmteye idiyetʼlea? Onḍenko hoṛ do aleren bạhuko ar gidrạkoko recʼlea. Ona khon Misorte ruạṛ calakʼge cetʼ bhage baṅ tahẽkantalea?”

Aposkạmi 13:41

Ape okoe do Isor sãotepe khiloḍkan, ańjompe ape do bhaṛokʼpe ar mohor meṭaokʼpe; ente ape bidạlrege iń do nonkanakʼ iń kạmiya one uniyakʼ katha ohogepe pạtiạulen, jãhãeye lạiyapere hõ baṅa.”

Mathae 22:5

“Menkhan neota akan hoṛko do gutikoakʼ katha bako hetawada; calao baṛayenako, okoe do acʼakʼ khette, okoe do acʼakʼ bạnij beparte.

Kạhtukko 1:30

Ona iạte onko do ińakʼ solha hõ bako ataṅleda, samka sạṭikʼ lạgitʼ okań menletʼ ona do jaṅgateko lebetʼ gańjaokeda;

Kạhtukko 1:25

Ape do ińakʼ hukumkoge bape hetawatʼa, doskoń udukʼatʼpere hõ bape aṅgocleda,

Genesis 25:34

Ar Jakob do noa tayom piṭhạ ar dạl suṛạ Esaue jom ocokedea, ar Esau do jom ńũkateye calaoena. Ar acʼakʼ maraṅ hoponakʼ ạidạri reakʼ do jãhãn damge bae ematʼa.

Jeheskel 20:18

Onḍe onkoren hoponko ar hoponerakoń metatʼkoa, onko jemon akoren hapṛamko leka aloko kạmi, onkoakʼ colon leka aloko calakʼma ar onkoren boṅga muṭhạnkote apnartetʼ aloko besaphakʼma.

Josuạ 5:7

Onate uni do onko bodolte onkoren hoponkoe teṅgoketʼkoa ar Josuạ do onkoe khatna ocoketʼkoa. Ar dãṛãn horre bako khatna ocoakan tahẽkante un hạbicʼ hõ bin khatnako tahẽkana.

Nehemiạ 9:24

Onkoren hoponko do ona disạmte senkate onako dokholana. Ar ona disạmren Kananikoko kobojketʼkoa. Am do Kananiko, onkoren rapajko ar disạmren judạ judạ jạtrenko do onkoakʼ tirem jimạketʼkoa jemon onko cetanre akoakʼ kusi lekako ceka daṛeakʼ.