Numeri 14:29 - সান্তালী বাইবেল

²⁹ Ape modren okoe do bargel bochor se ona khon ḍher umerrenko lekha ocolen, metakʼme okoe iń upạrteko karacʼ kurucʼlen, onkoakʼ mạ̃ṛĩ do niạ ṭoṭharege seyakʼtakoa.

Numeri 14:29 Referans Kwoze

Numeri 1:45

Sanam Israelko modre okoekoakʼ umer do bargel se ona khon bạ̃ṛti tahẽkan, metakʼme okoe do lạṛhại lạgitʼ oḍok calakʼ lekako tahẽkan, onko do gharońj lekateko lekha ocoyena.

Ibriko 3:17

Okoe upạrte Isor do pongel bochor hạbicʼe ạṛislena? Onko do cetʼ noko hoṛ doko baṅkana one okoe doko kại akatʼ tahẽkan, ar okoe do hahaṅkarre mạ̃ṛĩ tahẽkantako?

Numeri 26:64

Menkhan Mose ar naeke Aron do tinre sinại hahaṅkarre Israelkokin lekhaletʼkoa unre noko do okoehõ bako tahẽkana.

1 Korinthiko 10:5

Enrehõ Isor do onko modren ḍher hoṛko cetanre kusi bae tahẽkana. Onate onkoakʼ mạ̃ṛĩ do hahaṅkarrege giḍi ocoyentakoa.

Jihudạwakʼ ciṭhi 1:5

Ape do noako reaṅ bestegepe baḍaegea; enrehõ iń do noako kathań disạ ocoyetʼpe kana je, Misor disạm khon Israelko bańcaokate ạguko tayom okoe bako pạtiạulen Probhu Isor do onkoe ḍahao maraoletʼkoa.

Numeri 1:46

Onkoakʼ lekha do jotote turui lakh pe hajar mõṛẽsae mõṛẽgel tahẽkana.

Dosar Biboron 2:14

Kades bạgikate Sered soḍokʼ paromokʼte pegel irạl bochor lagao atʼbon tahẽkana. Kades bạgi oṭowakʼ lahare ḍerare okoe palṭonko tahẽkan onko sanamkoge niạ pegel irạl bochor bhitrite Probhu Isorakʼ gokʼakʼ reakʼ katha lekateko gocʼena.

Josuạ 5:6

Misor khon oḍok hecʼen tayom okoe do lạṛhại lạgitʼ oḍok calakʼ leka umer hoyakan tahẽkan onko sanam ạuriko gujukʼ hạbicʼ Israelko do pongel bochor hahaṅkarre ạcur baṛae hoylentakoa, ente onko do Probhu Isorakʼ katha leka bako senlena. Ar Probhu Isor kiriạkate onkoren hapṛamko ṭhen okaṭakʼ disạm emako lạgitʼe gokʼletʼ ona toa ar dumur rasa ạtukʼkan disạm do bako ńel ńama.

Sereńko 78:33

Onate onkoakʼ din do ạuṛiyakʼtegeye cabaketʼtakoa. Ar bochorko do torastege.

Jeheskel 20:38

Ape modre okoe iń upạrteko hul onko doń sạṅgiń giḍikakoa. Ar onko okaṭakʼ disạmreko girobasokʼkan onḍe khoniń oḍok ạgukorehõ onko do Israel disạmre bako bolo daṛeakʼa. Unre apepe baḍae daṛeakʼa, iń kangeạń Probhu Isor do.

Numeri 26:65

Probhu Isor do noko Israeko reaṅgeye menleda, onko do khạṭige hahaṅkarreko gujukʼa. Onko modre Jephunren hopon Kaleb ar Nunren hopon Josuạ chaḍa ar okoe hõ jiwetʼ do bako tahẽkana.

Sereńko 106:26

Onate uni do noae kiriạyena onko do hahaṅkarreye cabakoa,