Numeri 13:32 - সান্তালী বাইবেল

³² Oka disạmko ńel ạguketʼ onko do Israelko ṭhen ona disạm reakʼ nindạu kathako roṛkeda, “Okaṭakʼ disạmle ciyạ ạguketʼ ona disạm do hoṛ jojom mitʼṭecʼ disạm kana. Okoe hoṛko onḍele ńel akatʼko onko do darmoṭ darmoṭ hoṛ kanako.

Numeri 13:32 Referans Kwoze

Amos 2:9

“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

1 Bõsbudạ 20:6

Gatre ar mitʼṭecʼ lạṛhại hoylena. Ona lạṛhạire mitʼṭen usul hoṛe tahẽkana one uniyakʼ banar ti ar banar jaṅgare turui goṭecʼkate bargel pon goṭecʼ kạṭupʼ tahẽkantae. Uni hõ mitʼṭen Rophayiạ hoṛe tahẽkana.

2 Samuel 21:20

Ona tayom ar mitʼṭecʼ lạṛhại Gatre hoylena. Ona lạṛhạire mitʼṭecʼ usul hoṛe tahẽkana one uniyakʼ banar ti ar banar jaṅgare turui goṭecʼkate jotote bargel pon goṭecʼ kạṭupʼ tahẽkantae. Uni hõ mitʼṭecʼ Rophayi hoṛe tahẽkana.

Dosar Biboron 1:28

Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’

Numeri 13:28

Menkhan onḍe okoeko girobasokʼkan onko do daṛe hoṛ kanako ar onkoakʼ nagrahako do usul pạcrikote esetʼgea. Ar onḍe do Anak bõsren hoṛ hõle ńel akatʼkoa.

Sereńko 106:24

Tayomte onko do ona mońj disạmko nihạ̃tkeda; onko do Probhu Isorakʼ katha bako pạtiạuada.

Jeheskel 36:12

Iń do ape cetante hoṛko, metakʼme ińren hoṛ Israelkoń dãṛãbaṛa ocokoa. Onko do apeko ạidạripea ar onkoren ạidạri reakʼ ṭhạ̃ipe hoyokʼa; ar tishõ bin gidrạwanko do bape hoyocokoa.

Amos 2:10

Amorikoakʼ disạm emape lạgitʼ ińge Misor disạm khoniń oḍok ạguketʼpea ar hahaṅkarre pongel bochor hạbicʼ iń ạyurletʼpea.