Numeri 13:31 - সান্তালী বাইবেল

³¹ Menkhan uni sãote okoeko senlen onko doko menkeda, “Onko sãote lạṛhại do ohoge bon daṛelena; onko do abo khonko daṛegea.”

Numeri 13:31 Referans Kwoze

Dosar Biboron 1:28

Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’

Josuạ 14:8

menkhan okoe boehako iń sãoteko senlen onko do hoṛkoko as chuṭạuletʼkoa. Menkhan iń do ińren Probhu Isorakʼ katha purạteń manao ạguakada.

Ibriko 3:19

Arbon ńeleda, bepạtiạu iạte onko do Isorakʼ jirạukʼ jaegate bako bolo daṛeada.

Numeri 32:9

Eskol buru lodam hạbicʼ senkate disạm ciyạ baṛakate onko do Probhu Isore emakʼ disạmte calakʼ lạgitʼ hoṛkoakʼ ahkaokʼ monko rạputʼletʼtakoa.

Dosar Biboron 9:1

“E Israelko, ańjompe, okoe jạtrenko ape khon lekhareko ḍherge ar daṛe hõko daṛege ar onkoakʼ serma ṭuṅgạu usul pạcriko ar maraṅ maraṅ nagrahako ńitokʼ ape do onako dokhol lạgitʼ jordan gaḍape parom lạgidokʼkana.

Numeri 13:30

Unre Mose samaṅre okoeko hoṛ onḍeko tahẽkan Kaleb do onko hape ocoketʼkoteye metatʼkoa, “Onḍe senkate disạm bon dokholgea. Ona do khạṭige bon daṛeakʼa.”

1 Samuel 17:33

Sạule menkeda, “Am do uni Philisṭi sãote cekatem lạṛhạiya? Ente am dom chokragea, ar uni Philisṭi do chokra khonge mitʼṭen lạṛhại bir kanae.”

Numeri 32:7

Probhu Isor Israelko okaṭakʼ disạme emakawatʼko onḍe calakʼ lạgitʼ nokoakʼ ahkaokʼ mon do cedakʼpe rạputʼetʼtakoa?