Numeri 13:28 - সান্তালী বাইবেল

²⁸ Menkhan onḍe okoeko girobasokʼkan onko do daṛe hoṛ kanako ar onkoakʼ nagrahako do usul pạcrikote esetʼgea. Ar onḍe do Anak bõsren hoṛ hõle ńel akatʼkoa.

Numeri 13:28 Referans Kwoze

Dosar Biboron 1:28

Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’

Josuạ 11:22

Israelkoakʼ disạm modre okoe Anakiko hõ jiwetʼ do ar bako tahẽlena; eken Gasa, Gad ar Asdodre thoṛa gan Anakiko jiwetʼko tahẽyena.

Numeri 13:33

Onḍe do Nephilimkoren bõsko hõle ńel akatʼkoa. Anak bõsren hoṛ do Nephilim jạtren kanako. Ona ńelte ale do sosrocʼ lekale bujhạuena ar onko hõ onkageko hudisketʼlea.”

Josuạ 15:14

Kaleb do Sesae, Ahiman ar Talmae ńutuman pea Anakiko Hebron khone laga ńirketʼkoa. Noko do Anakren hoponko tahẽkana.

Dosar Biboron 3:5

Noako nagrahako do usul pạcrikote esetʼ ạcur tahẽkana ar onare do phaṭok duạr ar hurkạṛko hõ tahẽkana.

Dosar Biboron 2:21

Rephayimko do daṛean ar lekhare ḍhergeko tahẽkana. Ar Anakiko leka usul hoṛko tahẽkana. Probhu Isor do Amonrenko hotete onkoe maraoletʼkoa; ar Amonrenko do Rephayimkoko laga ńirketʼkote onkoakʼ jaegare girobasokʼko ehopʼena.

Bikʼcạrko 1:20

Moseyakʼ gokʼakʼ lekate Kaleb do Hebron nagrahae em ocolena. Kaleb do Anakren pea hopon Hebron khone laga ńirletʼkoa.

2 Samuel 21:16

Ar Isbi-Benob ńutuman mitʼṭen Rophayi do nãwã sajte sajkate Dạud goje lạgitʼe hecʼena. Uniyakʼ borlom reakʼ ojon do pon keji hamal ar ona do pitạl reakʼ tahẽkana.

Josuạ 14:12

Nokʼõe noa buru ṭoṭha enhilokʼ emokʼ reakʼe gokʼạdiń tahẽkana ńit ona baṛe imạńme. Unre amem ańjomleda, Ananikiko do onḍeko girobasokʼ kana ar onkoakʼ nagraha do maraṅgea ar beṛhaete pạcri esetʼgetakoa. Menkhan Probhu Isor iń sãoteye tahen khan uniyakʼ katha lekage onkoń laga ńirkoa.”