Numeri 13:2 - সান্তালী বাইবেল

² “Israelko okaṭakʼ disạm emakoń menetʼkan ona Kanan disạm cikʼyạ ạgui lạgitʼ am do gelbar gusṭirenko khon mitʼ hoṛkate mukhiyạko kolkom.”

Numeri 13:2 Referans Kwoze

Numeri 32:8

Disạm ciyạ ạgui lạgitʼ aperen baba-hapṛamko tinre Kades khoniń kolletʼkoa unre onko hõ ṭhik nonkageko kạmileda.

Numeri 34:18

Ar sompotti hạṭińape reakʼ kạmire goṛo emakin lạgitʼ mimitʼ gusṭiko khon mitʼṭen mukhiyạ do hataoe hoyokʼa.

Dosar Biboron 1:15

Ona iạte aperen gusṭiko khon ạkilanko, bujhạntar hoṛko, namḍak hoṛko hataokate ape cetanre, hajarko cetanre, saeko cetanre, mõṛẽgelko cetanre, gelko cetanre mathako ar judạ judạ kạmiyạkoń bahalketʼkoa.

Numeri 11:16

Probhu Isor do Moseye metadea, “Israelko talare okoe do mukhiyạ arko lekman hoṛkan onko modren nonkan eaegel murubbiko iń ṭhenem ạgukoa. Onko do ńapamokʼ tạmbu ṭhen hecʼkate am sãote teṅgokʼ lạgitʼem metakoa.

Numeri 1:4

Onko do mimitʼ gusṭi khon mitʼ hoṛkate amko goṛowama, ar uni hoṛ do onko gusṭiren mathae hoyokʼa.

Exodus 18:25

Uni do sanam Israelko tala khon lekman hoṛkoe bachaoketʼkote mukhiyạko lekateye bahalketʼkoa- adomko do hajarko cetanre, adomko do saeko cetanre, adomko do mõṛẽgelko cetanre ar adomko do gelko cetanre.

Numeri 13:3

Probhu Isorakʼ hukum ńamkate Mose do onkageye kạmikeda. Uni do Paran hahaṅkar ṭoṭha khon okoekoe kolketʼko onko sanamkoge Israelkoren mukhiyạko tahẽkana.

Dosar Biboron 9:23

Probhu Isor do Kades Barnea khonpe mohnḍakʼ jokhecʼe metatʼpe tahẽkana, ‘okaṭakʼ disạmiń emape lạgidokʼkan onḍe senkate ona baṛe ạidạri joṅpe.’ Menkhan ape do aperen Probhu Isorakʼ hukum upạrtepe ṭhokkeda. Ape do Probhu Isor hõ bape pạtiạuadea, ar uniyakʼ katha hõ bape luturada.

Numeri 13:16

Mose do noko hoṛko Kanan disạm cikʼyạ ạgui lạgitʼe kolletʼkoa. Ar Nunren hopon Hosea do Josuại ńutumkedea.

Josuạ 3:12

Ar ńitokʼ ape do Israelren gelbar gusṭiko khon mimitʼ hoṛkate gelbar goṭen hoṛ bachao joṅpe.