Numeri 12:1 - সান্তালী বাইবেল

¹ Mose do Kus jạtren mitʼṭen maejiue baplaledea. Nui Kus jạtren maejiu iạte Mạriạm ar Aron do Mose upạrte katha roroṛkin ehopʼena,

Numeri 12:1 Referans Kwoze

Exodus 2:21

Mose do uni naeke ṭhen tahen lạgitʼe rạjiyena ar naeke do Mose tulucʼ acʼren hoponera Silpại baplakadea.

Genesis 27:46

Tayomte Rebeka do Isahake metadea, “Noko Hitti kuṛiko iạte iń do jiwetʼ tahen baṅ sanań kana. Ar Jakob hõ noa disạmren jãhãe Hitti kuṛiye baplaye enḍekhan ińakʼ jiwetʼ tahen do cetʼ lab?”

Genesis 24:37

Uni do noa menkateye kiriạ ocoakadińạ, acʼ oka disạmreye girobasokʼkan ona Kanan disạmren jãhãe kuṛige uniren hopon lạgitʼ bạbu mente jemon aloń bachaoko.

Galathiko lạgitʼ Pạul Apostolakʼ ciṭhi 4:16

Ar ńitokʼ do cetʼ sạri katha roṛte aperen bạiriń hoyakana?

Johan 7:5

Ar acʼren boehako hõ Jisu do bako pạtiạuae kan tahẽkana.

Mathae 10:36

Ar hoṛren bạiri do acʼ gharońjren hoṛgeko hoyokʼtaea.

Genesis 24:3

Serma ar otren Probhu Isor samaṅre iń do noań kiriạ ocoyetʼmea; okoe Kananrenko talareń tahenkan onko mod khon okoeṭakʼ kuṛi hõ ińren koṛa lạgitʼ bạhu mente do alom bachaokoa.

Levitikus 21:14

Rạnḍi se jãwãetetʼ ṭhen khone bạgi ocoakan se loṭghoṭi iạte apnare besapha ocoakan nonkan maejiu baplako do baṅ ganokʼtaea. Eken acʼ jạtren ḍạṅgwạ kuṛigeye bapla daṛeakoa,

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

Genesis 41:45

Pharao do Josephakʼ nãwã ńutum Sapnat Paneahe dohoketʼtaea. Ar On nagraharen naeke Poṭipheraren hoponerat Asnat tulucʼ Josephe baplakadea. Noa tayom Joseph do goṭa Misor disạm dãṛãn lạgitʼe oḍokena.

Johan 15:20

Ińakʼ noa katha do alope hiṛińa, guti do acʼren kisạ̃ṛ khon bae maraṅa. Onate hoṛko iń gojeńko kurumuṭuyetʼ khan ape hõko onkapea; ar ińakʼ kathako ańjom khan apeakʼ katha hõko ańjoma.

Mathae 12:48

Unre Jisu do uniye metadea, “Okoe kanae eṅgạń, ar okoe kanako boehań do?”

Exodus 2:16

Onḍenicʼ Midiạn naekeren do eae goṭen hoponerako tahẽkantaea. Onko do apattetʼren bhiḍiko dakʼ ńũako lạgitʼ dakʼ lo rakapʼkate gamlareko dul perecʼetʼ tahẽkana.

Numeri 14:22

noko hoṛren mitʼ hoṛhõ ona disạm do bako ńela, one okaṭakʼ disạm lạgitʼ onkoren hapṛamko ṭheniń kiriạlen. Ente noko hoṛ do Misorre ar hahaṅkarre ńelakʼ ińakʼ hahaṛa kạmi ar cinhạ kạmiko ńelkate hõ ińko nihạ̃t akadińạ ar gel dhaoko biḍạu aṭkar akadińạ. Okoe ińko nihạ̃t akadiń onko do okoehõ ona disạm bako ńel tioga.

Numeri 26:59

Amramren oṛakʼ hoṛakʼ ńutum do Jokebed tahekana. Misor disạmre Liwi gusṭiko talare uniyakʼ janam do hoylena. Uniyakʼ kukhire Amramren hopon Aron, Mose, ar unkinren misera Mạriạmakʼ janam hoylena.