Numeri 11:22 - সান্তালী বাইবেল

²² Onkoren sanam mĩhũ-meromem gur lekore hõ onko lạgitʼ do cetʼge oho hoylena. Ar jalapuriren sanam hako sapʼkate ạgulekore hõ onko do ohoko anṭaolena.”

Numeri 11:22 Referans Kwoze

Mathae 15:33

Ado celakoko metadea, “Noa nisun jaegare nunạkʼ hoṛ jom bi ocoko lạgitʼ piṭhạ do okare bon ńamkea?”

2 Rapajko 7:2

Raj do okoe gutiye goṛowade tahẽkan uni guti do Isorren hoṛe metadea, “Ńelme, Probhu Isor do serma reakʼ duạrkoe jhicʼlere hõ onka do ohoge hoylena?” Elisaeye roṛ ruạṛkeda, “Amakʼ mẽtʼtege noa dom ńela, menkhan am do ona reakʼ cetʼge bam jom ńama.”

Johan 6:9

Uni do Jisui metadea, “Nonḍe mitʼṭen huḍiń koṛa ṭhen barea kạṭicʼ hako ar mõṛẽ goṭecʼ jao reakʼ piṭhạ menakʼa, menkhan noate nunạkʼ hoṛakʼ do cetʼ hoyokʼa?”

Luk 1:34

Mạriạm do serma goḍete metadea, “Noa do cekate hoedaṛekokʼa? Ińakʼ ma baplage coṅ baṅ hoyakantiń.”

Luk 1:18

Unre Sakariạ do serma goḍete metadea, “Cekateń bujhạu daṛekea? Iń ma coń haṛamge ar ińren bạhuakʼ umer hõ ạḍi ḍher hoyakantaea.”

Mark 8:4

Celakoko metadea, “Menkhan noa nisun jaegare noko jom ocoko lạgitʼ piṭhạ do okarele ńama?”

Mark 6:37

Jisui metatʼkoa, “Apege jomakʼ emakope.” Celakoko metadea, “Ale do cetʼ senkate barsae Dinarte piṭhạ kiriń ạgukate onkole jomocokoa?”

Numeri 11:13

Noko hoṛko lạgitʼ jel do okareń ńama? Onko do iń ṭhenko rakʼeda ‘jelko joma.’

Numeri 11:21

Noa katha ańjomte Moseye menkeda, “Lạṛhại daṛeakʼ lekan nonkan turui lakh hoṛ iń sãore menakʼkoa, ar am dom meneda goṭa mitʼ candoge jelem jom ocokoa.

Numeri 11:23

Probhu Isor do Moseye roṛ ruạṛadea, “Probhu Isorakʼ daṛe do cetʼ komgea? Ińakʼ katha amre sạrikana se baṅa ona do ńitgem ńela.”