Numeri 1:50 - সান্তালী বাইবেল

⁵⁰ Goha tạmbu reakʼ asbabko ar ona reakʼ sanamakʼ ńel jut reakʼ bhar do onko cetanrem dohoya. Onkoakʼ kạmi do hoyokʼa sekʼwa tạmbu ar ona reakʼ asbabko gokʼ bhạriạ idiya. Ar noa ńel jut reakʼ bhar hõ onko cetanrem dohoya ar onko do noa beṛhaete ḍerakʼ hoyokʼtakoa.

Numeri 1:50 Referans Kwoze

Exodus 38:21

Sekʼwa tạmbu, metakʼme goha tạmbu benaokʼre cetʼ cetʼko jinis lagaolen Moseyakʼ hukumte pạhil khonge naeke Aronren hopon Ithamarakʼ ạyurte Liwiko do ona reakʼ hisạbko dohokeda.

Numeri 4:15

“Aron ar uniren hoponko tinre noa sonot jinis ar sonot ṭhạ̃i reakʼ asbab poṭom reakʼ kạmiko sạta ar hoṛko hõ ḍera samṭaokate uṭhạukʼ lạgitʼko sapṛaokʼa unre Kohatren hoponko do noako gokʼ idi lạgitʼko hijukʼa. Menkhan onko do sonotakʼ okaṭakʼ jinisge bako joṭetʼ daṛeakʼa. Arko joṭetʼ lekhan onko doko gujukʼa. Ńapamokʼ tạmbure okako jinis tahen ona do Kohatren hoponkoko gokʼ idiya.

Exodus 31:18

Sinại buru cetanre Mose ṭhen niạko kathae roṛ mucạtʼketʼ khan Probhu Isor do goha reakʼ barea dhiri cạktiye emadea. Isor do noakin dhiri cạktire acʼakʼ kạṭupʼte hukume olleda.

Nehemiạ 13:22

Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

Numeri 20:11

Niạ katha menkate Mose do tiye tulketʼte acʼakʼ ṭheṅgate ona dhirire bar dhaoe dalkeda; ar onate dhiri khon dakʼ do oḍokokʼ ehopʼena ar Israel hoponko ar onkoren janwarko ona dakʼko ńũkeda.

Sereńko 122:4

Sanam gusṭirenko do onḍegeko rakapʼa, Probhu Isorren hoṛkoakʼ sanam gusṭirenkoge; Israele em akawade hukum leka onko do Probhu Isor sarhaoe lạgitʼko rakapʼa.

Nehemiạ 12:47

Serubabel ar Nehemiạ oktere hõ Israelko do jotoge gaenaha ar rurukhiyạkoakʼ dinạm hilokʼ reakʼ kuṛạiko emkatako kan tahẽkana. Ona chaḍa onko do eṭakʼ liwikoakʼ kuṛại hõ begarkateko dohokakʼ kan tahẽkana ar liwiko hõ Aron bõsrenkoakʼ paona lạgitʼko begar dohokakʼ kan tahẽkana.

Nehemiạ 12:22

Eliasib, Joyada, Johanan ar Jadua teko oktere Liwiko ar naekekoakʼ bõsren mathakoakʼ ńutum do tạlikare ol hoylena, ar ona do Perosren raj Darjawesakʼ rajokʼ oktere sạtena.

Nehemiạ 12:8

Liwiko modre Josuại, Binui, Kadmiyel, Serebiạ, Jihudạ ar Matania. Nui Mataniạ ar uni bõsrenko cetanrege gun manao sereńko ńel todarot reakʼ bhar do tahẽkana.

Numeri 10:21

Noko tayom Kohatkoren do sekʼwa tạmbu reakʼ sonot jiniskoanteko mohnḍayena. Onko seṭerokʼ laharege sekʼwa tạmbu do umul reakʼ katha tahẽkana.

Numeri 2:17

“Ona tayom Liwi gusṭirenko do ńapamokʼ tạmbu uṭhạukateko mohnḍakʼa. Noko do joto dol reakʼ nisạnrenko talareko tahena. Onko do cetʼleka ḍerareko tahẽkan onkage uṭhạukʼ hoyokʼtakoa. Ar mimitʼko do akoakʼ dol reakʼ nisạn sãote tahen hoyokʼtakoa.

Numeri 1:53

Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”

Johan sodor 15:5

Noa tayom iń doń ńelkeda, serma reakʼ ona mundil, metakʼme goha tạmbu do jhicʼena.

Numeri 17:7

Mose do onako ṭheṅga hataokate goha tạmbure Probhu Isor samaṅreye dohokeda.

2 Bõsbudạ 24:6

Onatege raj do maraṅ naeke Jehoyada hoho ạgukedeteye metadea, “Goha tạmbu lạgitʼ Probhu Isorren guti Mose do Israelko cetanre oka khajnae ṭhik dohoakatʼ ona Jihudạ ar Jerusalem khon uṭhạu lạgitʼ Liwiko do cedakʼ bam kolletʼkoa?”

Numeri 4:3

Kohatren pegel khon mõṛẽgel bochor umerren okoeko herel hoṛ do ńapamokʼ tạmbu reakʼko kạmi daṛeakʼ eken onko ben lekhakoa.

Numeri 8:19

Israelko talare noko do Aron ar uniren hoponkoń dan akawatʼkoa, jemon onko do Israelko secʼ khon ńapamokʼ tạmbure onkoakʼ kại ńutumte puruchun reakʼko kạmi. Ar jemon Israelko sonot ṭhạ̃i ṭhenko senlenre hõ jãhãn muskil alo hoyokʼtako.”

Numeri 8:20

Probhu Isor do Liwiko reaṅ Mose cetʼlekae hukumade tahẽkan Mose, Aron ar eṭakʼ sanam Israelko do onkage Liwiko hoteteko kạmi ocokeda.

Numeri 8:22

Inạ tayom Liwiko do Aron ar uniren hoponko tabere ńapamokʼ tạmbure kạmiko ehopʼena. Ar Probhu Isor do Mose cetʼlekae hukumade tahẽkan onkage onko do Liwiko hoteteko kạmi ocokeda.

Numeri 18:5

Israelko cetanre ińakʼ edre jemon alo sodorokʼ ona lạgitʼ sonot tạmbu ar pinḍ ńel todarot reakʼ bhar do ape cetanrege tahena.