Nehemiạ 9:8 - সান্তালী বাইবেল

⁸ Am do uniyakʼ pạtiạrtetʼem ńelketʼte Kananiko, Hittiko, Amoriko, Perisiko, Jebusiko ar Gergasikoakʼ disạm do uniren bõsko emako lạgitʼ mitʼṭecʼ bondobosem dohowada. Ar am dom dhoromgete amakʼ gokʼakʼem rukhiyạ dohoketʼtama.

Nehemiạ 9:8 Referans Kwoze

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Genesis 15:6

Abram do Probhu Isorakʼ kathareye pạtiạuena ar onate Isor do dhorom menteye ataṅkedea.

Josuạ 23:14

“Dhạrtiren sanamko okaṭakʼ horte senokʼ hoyokʼtako ona horte iń hõ ńitokʼ doń senokʼ kana. Ar noa katha do bhagegepe baḍaea, aperen Probhu Isor bhạlạiype reakʼ okae gokʼ akawatʼpe ona reakʼ mitʼṭecʼ hõ baṅ ạuṛiyakʼ akana. Mitʼke mitʼ gokʼakʼ do purạu akana, ar baṅ puruạuakʼ do mitʼṭecʼ hõ bạnukʼanaṅ.

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

1 Johan 1:9

Abo do aboakʼ kạiko bon aṅgocle khan, enḍekhan uni do unrege aboakʼ kạikoe ikại tabona ar sanam bedhorom khone sapha bona, ente uni doe pạtiạrgea ar tis hõ bae bedhoroma.

Ibriko 11:17

Abraham do biḍạu ocokʼ jokhecʼ Isorre pạtiạu iạtege Isahak doe samaṅledea. Okoe ṭhen Isore gokʼ akatʼ tahẽkan unige acʼren sadher hopon dãṛẽye lạgitʼe samaṅedekan tahẽkana.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

Aposkạmi 13:22

Ona tayom Isor do Sạul ocokʼkate Dạude rajkedea. Uni do Dạud reaṅe menakada, ‘Jisạiren hopon Dạud do ińakʼ mone lekan mitʼṭen hoṛiń ńam akadea. Uni do ińakʼ sanam monejoṅakʼkoe purạutińạ.’

Josuạ 11:23

Probhu Isor Mose okae hukumade tahẽkan onkage Josuạ do goṭa disạme dokholana ar gusṭikoakʼ sompotti lekate ona do Israelko talareye hạṭińatʼkoa. Unre disạmre lạṛhại do thirakan tahẽkana.

Josuạ 11:3

Uni do purub ar pạchim secʼren Kananiko ṭhen ar buru elakaren Amoriko, Hittiko, Pherisiko ar Jebusiko ṭhen ar Hermon buru latar reakʼ Mispa ṭoṭharen Hiwiko ṭhen hõ sombate kolkeda.

Josuạ 9:1

Jordan gaḍa pạchim secʼren rajko do noako reakʼ joto kathako ańjomkeda. Onko do usul buru ṭoṭha ar ona latar ṭoṭha disạmkoren ar Lebanon hạbicʼ jalapuri ḍhip aṛete okako disạm tahẽkan onakoren rajgeko tahẽkana. Onko do Hitiko, Amoriko, Kananiko, Pherisiko, Hiwiko ar Jebusikoren rajgeko tahẽkana.

Dosar Biboron 26:3

Unre okoeṭakʼ naeke onḍeye tahen unipe metaea, ‘teheń ińren Probhu Isor samaṅreń jạhireda, okaṭakʼ disạm emabon lạgitʼ aboren hapṛamko ṭhene gokʼletʼ ona disạmteń bolo akana.’

Dosar Biboron 9:5

Ar bindusạn se dhorom iạte onkoakʼ disạm ạidạri lạgitʼpe calakʼ kana ona do baṅa bickom aperen Probhu Isorge aperen hapṛam Abraham, Isahak ar Jakob ṭhen kiriạkate okaṭakʼe menletʼ ona purạu lạgitʼge uni do noko jạtrenkoakʼ dusṭạmi iạte ape samaṅ khone laga ńirkoa.

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Numeri 23:19

Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Exodus 3:8

Misorrenkoakʼ ti khon onko rukhiyạko lạgitʼ iń doń pheḍ hecʼakana. Iń do ona disạm khoniń oḍok ạgukoa ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idikoa. Ona disạm do maraṅgea ar mońjgea; onḍe do toa ar dumur rasa reakʼ jãhãn okulạnge bạnukʼa.

Genesis 22:12

Goḍete menkeda, “Hoponme teṅgene lạgitʼ ti do alom tul tama se unire cetʼge alom cekaea. Isor botorae hoṛkanem ona do ńitokʼ bujhạuena, ente iń ńutumte amren sadher hopon teṅgene lạgitʼ do bam pạclena.”

Sereńko 116:5

Probhu Isor do daya are dhoromicʼkana; aboren Isor do mãyãteye perecʼgea.

Numeri 13:29

Ar Amalekiko do disạm reakʼ dạkhin nakhareko tahenkana; Hittirenko, Jebusirenko ar Amorirenko do buru ṭoṭhakore ar Kananrenko do jalapuri aṛe ar Jordan gaḍa aṛeteko girobasokʼ kana.”

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

2 Samuel 22:31

Isorakʼ horre jãhãn bin sạbitanakʼ do bạnukʼanaṅ; ar Probhu Isorakʼ katha do khạṭi mente sạbud akana. Uni do acʼre hirlạjoṅ kan sanam hoṛren ḍhal kanae.

1 Bõsbudạ 16:16

Ona bondobos do Abraham lạgitʼe bandhaoleda ar Isạhak ṭhen hõe gokʼletʼa.

Esra 9:15

E Israelren Probhu Isor, am dom dhoromgea. Ale do teheń hạbicʼ thoṛa hoṛ jiwetʼ menakʼlea. Menkhan am samaṅre do sanamkogele kạiyan hoṛ kana, ar onate ale do okoehõ am samaṅre teṅgokʼ lek dole baṅkana.”

Nehemiạ 9:33

Am do ale cetanre okakom hoyocoakatʼ onate do bam behok akada; am do pạtiạr salakʼgem kạmi akada ar ale dole behok akada.

Jeheskel 33:24

“E manwa hopon, Israel disạm reakʼ dhaṅ dhaser akan ṭhạ̃ire okoeko girobasokʼ kan onko doko meneda, ‘Abraham do eken mitʼṭen manwa hoykate hõ disạm reakʼ ạidạriye ńamleda. Menkhan ale dole ḍhergea; onate disạm do khạṭige aleakʼ ạidạri lạgitʼ em ocoakana.’