Nehemiạ 9:6 - সান্তালী বাইবেল

⁶ Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.

Nehemiạ 9:6 Referans Kwoze

Jesaea 37:16

“E Probhu Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada

Genesis 1:1

Etohopʼre Isor do ot ar sermae sirjạukeda.

Johan sodor 4:11

“E aleren Probhu Isor, amge man ar ṭhonok ar daṛe ńam lek kanam, ente amge jotowakʼem sirjạu akada; ar amakʼ monejoṅakʼ lekage onako do sirjạu akana ar ṭikạu menakʼa.”

Dosar Biboron 10:14

“Serma ar ona cetan reakʼ sanamakʼko ar ot ar ona reakʼ sanamakʼko jotoge aperen Probhu Isorakʼ kana.

Dosar Biboron 6:4

“E Israelko ańjompe, aboren Probhu Isor doe mitʼ goṭengea.

Jesaea 44:8

Alope botorokʼa ar alope thar tharaokʼa. Iń do cetʼ ḍher laha khonge niạko bạń lại jạhir akawatʼpea? Apege ińren goha do; iń chaḍa cetʼ ar jãhãe Isor menakʼkoa? Baṅa, ar jãhãn asray buru do bạnukʼa; iń do ar celege bạń baḍae akatʼkoa.”

Jesaea 44:6

Probhu Isor, okoe do Israelren raj are babańcaoicʼ kan, okoe doe phạdkoren Probhu Isor kan, uni do niạ kathae meneda, “Ińge pạhilicʼ ar Ińge sesicʼ; iń chaḍa ar cele Isorge bạnukʼkoa.

2 Rapajko 19:15

Ar Hiskiạ do Probhu Isor ṭhen noae koekeda, “E Probhu Isor Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada.

Genesis 2:1

Isor do ot ar sermare menakʼ sanamakʼe benao sạtkeda.

Jesaea 43:10

Probhu Isor do Israelkoe metakokana, “Apege ińren goha ar ińren bachao akan golam kanape, ar ape jemonpe pạtiạukʼ arpe baḍae daṛeakʼ, iń kangeạń uni do. Iń lahate okoe Isor hõ bako sirjạu akana ar iń tayomte eṭakʼ cele Isor hõ bako tahena.

Johan sodor 14:7

Uni do ãṭ aṛaṅte noa kathae menetʼ tahẽkana, “Isor botoraepe ar uni sarhaoepe, ente bicạr reakʼ okte do seṭerakana. Okoe dhạrti, serma, jalapuri, doreão ar jharna dakʼkoe sirjạu akatʼ uni sewawaepe.”

Sereńko 36:6

Amakʼ dhorom do Isorakʼ buruko lekana; amakʼ dhorom bicạr do athantar doreão leka. E Probhu Isor, manwa ar janwar jotoge jiwetʼ baṛe dohokom.

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Ibriko 1:6

Baṅ, ona do bae menakada. Isor do acʼren dulạṛiạ Hopon noa dhạrtite kole jokhecʼe men akada, “Isorren sanam goḍetko do uniko sewawae ma.”

Jesaea 37:20

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskar kangeam Probhu Isor do.”

Sereńko 86:10

Am dom maraṅgea ar hahaṛawakʼkom kạmikana; eken amkagem Isor do.

2 Rapajko 19:19

E aleren Probhu Isor, de ńitokʼ Ạsurren rajakʼ ti khon rukhiyạleme, jemon dhạrtiren sanam rajosṭirenko baḍae daṛeakʼ, am eskarge Probhu do ar amkangeam Isor do .”

Jeheskel 20:11

Onko do ińakʼ niạmkoń ematʼkoa ar ińakʼ ạn-ạrikoń baḍae ocoketʼkoa; ar okoe onae manaoa uni do ona hotetege jione ńama.

Sereńko 146:6

Probhu Isor do serma ar ot ar jalapuri ar onare menakʼ jotowakʼe sirjạu akada; uni do jaejug hạbicʼe pạtiạrgea.

Sereńko 103:21

E Probhu Isor sewawaekan daṛean dolko okoe do uniyakʼ sana lekape calakʼkan, ape do uni sarhaoepe.

Sereńko 33:6

Probhu Isorakʼ kathatege serma do sirjạu akana; ar ona reakʼ sanamakʼ do uniyakʼ sahẽtʼte sirjạu akana.

1 Rapajko 22:19

Mikạ do roroṛe ehopʼena, “Enḍekhan Probhu Isorakʼ katha ańjomme. Ińiń ńelkeda, Probhu Isor do acʼakʼ siṅghạsonreye duṛupʼ akana ar uniyakʼ jojomsa ar uniyakʼ leṅgasa aṛere do sermaren sanam goḍetko menakʼkoa.

Johan 10:30

“Iń ar Baba doliń mitʼgea.”

Genesis 32:2

Onko ńelte uni doe menkeda, “Noa do Isorakʼ ḍera kana.” Ar onate ona jaega reakʼ ńutum do Mahanayime dohokeda (metakʼme, “Barea ḍera”).

Aposkạmi 4:24

Noa katha ańjomkate onko do mitʼ monte Isor ṭhen nonkako koekeda,” E Probhu Isor, am do serma ar ot ar jalapuri ar onare menakʼ jotowakʼem sirjạu akada.

Nehemiạ 9:5

Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

Sereńko 24:10

Okoe kanae ṭhonokren uni raj do? Uni ṭhonokren raj do sanam daṛean Probhu Isor kanae. (Sela)

Sereńko 102:25

Sedae jugre am do dhạrti reakʼ rehetʼem bạisạu akada; ar serma hõ amakʼ titegem benao akada.

Sereńko 115:15

Probhu Isor, okoe do ot ar sermae sirjạu akatʼ, unige ape doe bhorapema.

Jesaea 45:12

Ińge dhạrti sirjạukate onare manwań sirjạukedea; iń do ińakʼ tite sermań pasnao akada ar sermaren siń cando, ńindạ cando ar ipilkoń benao akatʼkoa.

Jona 1:9

Jonae roṛ ruạṛkeda, “Iń do mitʼṭen Ibri hoṛ kạnạń. Iń do sermaren Probhu Isoriń sewawae kana. Unige jalapuri ar ot doe benaoakada.”

Genesis 1:9

Noa tayom Isore menkeda, “Serma latar reakʼ sanam dakʼko mitʼ jaegare jarwakʼma ar rohoṛ jaega ńelokʼma.” Ar onkage hoyena.

Dosar Biboron 32:39

Ńitokʼ hudisokʼpe ar ńelpe ińkangeạń uni do; iń chaḍa ar cele Isorge bạnukʼkoa. Ińge gogocʼicʼ ar ińge jiwetʼicʼ, ińge ghạghạlicʼ, ińge bokʼgeyicʼ; ińakʼ ti khone bańcao daṛeakʼ nonkan celege bạnukʼkoa.

Sereńko 124:8

Probhu Isor, okoe do ot ar sermae sirjạu akatʼ uni ṭhen khonge aboakʼ goṛo do hijukʼa.

Jirimiạ 32:17

‘E Probhu Isor, am do amakʼ maraṅ daṛete ar amakʼ daṛeanakʼ tite serma ar otem benao akada. Am ṭhen bin leṭecʼakʼ do cetʼge bạnukʼanaṅ.