Nehemiạ 9:33 - সান্তালী বাইবেল

³³ Am do ale cetanre okakom hoyocoakatʼ onate do bam behok akada; am do pạtiạr salakʼgem kạmi akada ar ale dole behok akada.

Nehemiạ 9:33 Referans Kwoze

Sereńko 106:6

Aleren hapṛamko leka ale hõle kại akada; ale dole behok akada, ar kạirele taṛameda.

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Rak̕joṅ 1:18

Uni doe meneda, “Probhu Isor doe dhoromgea, iń do uniyakʼ hukum birudreń hul akada. Sanam jạtrenko, ańjompe, ińakʼ harkhet ńelpe; ińren juạn ar juạniko do bondikate sạṅgińteko idi ocoakana.

Jirimiạ 12:1

E Probhu Isor, am upạrteń mamblakʼ kanre hõ am do jao oktem dhoromgea. Enhõ iń do amakʼ bicạr reaṅ am sãote thoṛaganiń galmaraoa. Bedhoromkoakʼ hor do cedakʼ jo bahakʼkantakoa? Bepạtiạr hoṛ do cedakʼ khạtirjomako girobaso daṛeakʼ kana?

Sereńko 145:17

Probhu Isor do acʼakʼ sanam horreye dhoromgea, ar sanam kạmireye pạtiạrgea.

Sereńko 119:137

E Probhu Isor, am dom dhoromgea; amakʼ bicạr do hok reakʼ kana.

Jobakʼ 34:23

Manwawakʼ bicạr lạgitʼ Isor do jãhãn khoj khobor reakʼ jạruṛge bạnukʼtaea;

Jobakʼ 33:27

Unre uni do manwa ṭhen hecʼkateye mena, ‘iń doń kạileda ar sojheakʼ doń peṛtaleda, menkhan ińakʼ paona sạjại do bạń ńamleda.

Esra 9:15

E Israelren Probhu Isor, am dom dhoromgea. Ale do teheń hạbicʼ thoṛa hoṛ jiwetʼ menakʼlea. Menkhan am samaṅre do sanamkogele kạiyan hoṛ kana, ar onate ale do okoehõ am samaṅre teṅgokʼ lek dole baṅkana.”

Nehemiạ 9:34

Aleren rapajko, mukhiyạko, naekeko ar aleren hapṛamko do amakʼ ạn-ạri bako manao akada; amakʼ hukum se sontor katha hõ bako ańjomleda.

Jirimiạ 44:3

Ona do iń khĩs ocoyiń lạgitʼ dusṭạmi kạmiko kạmiakada, onko do senkate dhupko jeretʼkeda ar eṭakʼ isorko sewawatʼkoa, one okoe do bako baḍaeakatʼko ar ape hõ baṅ ar aperen hapṛamko hõ bako baḍaeletʼko.

Exodus 32:31

Mose do Probhu Isor ṭhen ruạṛ senkateye menkeda, “Hae, hae Probhu Isor! Noko hoṛ do ḍhergeko ghạṭ akada. Onko do ako lạgitʼ sonaren debotako benao akawana.

Nehemiạ 9:8

Am do uniyakʼ pạtiạrtetʼem ńelketʼte Kananiko, Hittiko, Amoriko, Perisiko, Jebusiko ar Gergasikoakʼ disạm do uniren bõsko emako lạgitʼ mitʼṭecʼ bondobosem dohowada. Ar am dom dhoromgete amakʼ gokʼakʼem rukhiyạ dohoketʼtama.

Jeheskel 11:12

Unrepe baḍae daṛeakʼa, ińkangeạń Probhu Isor do. Ińakʼ niạm leka ape do bape calao akana se ińakʼ ạn ạriko bape manao akada bickom ape beṛhaeten jạtrenkoakʼ niạm lekatepe calao akana.’ ”