Nehemiạ 9:22 - সান্তালী বাইবেল

²² “Tayomte ḍher rajosṭi ar jạtrenko do onkoakʼ tirem jimạketʼkoa, onkoakʼ sanam jaega jumiko Israel jạtrenkom hạṭińatʼkoa. Onko do Hesbonren raj Sihonakʼ disạm ar Basonren raj Ogakʼ disạmem ạidạriatʼkoa.

Nehemiạ 9:22 Referans Kwoze

Sereńko 105:44

Uni do eṭakʼ jạtrenkoakʼ disạm do Israelkoe ematʼkoa ar onko jạtrenkoakʼ khaṭao reakʼ jo do acʼren hoṛkoe ematʼkoa,

Sereńko 78:65

Ona tayom Probhu Isor do jạpitʼ khone ebhenena; uni do darkha rasa reakʼ nisạ kaṭaoen bir lekae jagwarena.

Josuạ 11:23

Probhu Isor Mose okae hukumade tahẽkan onkage Josuạ do goṭa disạme dokholana ar gusṭikoakʼ sompotti lekate ona do Israelko talareye hạṭińatʼkoa. Unre disạmre lạṛhại do thirakan tahẽkana.

Josuạ 10:11

Israelko samaṅ khon tinre onko do Beth-Haran bạgikate Aserkate pheḍ hecʼakan horteko ḍạṛ paskaokʼkan tahẽkana unre Probhu Isor do serma khon lạṭu lạṭu arel onko cetanreye ńuratʼkoa. Onate Israelko sãote lạṛhạire tinạkʼko gocʼen ona khon areltege ḍher hoṛko gocʼena.

Dosar Biboron 32:26

Iń doń menleda, onko doń kaṭra kuṭrạ cabakoa, manwako tala khon onkoakʼ disạ doń meṭao utạra.

Dosar Biboron 1:4

Amorikoren raj Sihon ar Edreyi nagraha reakʼ Bason disạmren raj Og bhagaokin tayom uni do onae sodorleda. Sihon do Hesbonre ar Og do Astarotreye rajokʼkan tahẽkana.

Jeheskel 20:28

Okaṭakʼ disạm emako reakʼ iń kiriạlen onḍe idiko tayom onko do jãhãrege usul buru ar hạriạṛ dare buṭạko ńelketʼ onḍege janwarko samaṅketʼkoa. Onko do samaṅokʼ reakʼ porobkote ińko khĩs ocokedińạ.

Dosar Biboron 4:47

Onko do Sihon ar Basonren raj Ogakʼ disạmko ạidạriana. Amorikoren nukin rajakʼ rajosṭi do jordan gaḍa reakʼ purub secʼre tahẽkana.

Jirimiạ 27:5

‘ińakʼ maraṅ daṛete ar ektiạri perecʼ tite iń do niạ dhạrti ar ona cetanre okoe manwa ar janwarkoń sirjạu akatʼko, ar okoe lek kanae menteń hudisede uniyakʼ tirege iń do ektiạriń emetʼkana.

Jirimiạ 32:23

Onko do hecʼkate onako ạidạrian tahẽkana, menkhan onko do amakʼ katha bako ańjomleda ar amakʼ ạn-ạri leka bako senlena; ar okaṭakʼ cekae lạgitʼem hukumatʼko tahẽkan ona reakʼ cetʼge bako kạmileda. Ar onatege noako muhin do onkorem paṛao ocoleda.