Nehemiạ 8:8 - সান্তালী বাইবেল

⁸ Ar oka paṛhaokʼkan ona jemon hoṛkoko bujhạu daṛeakʼ onate onko do Isorakʼ ạn-ạri reakʼ puthi khon paṛhaokate torjomakateko bujhạuatʼkoa.

Nehemiạ 8:8 Referans Kwoze

Aposkạmi 28:23

Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Luk 24:45

Uni do sonot sostor bujhạu ocoko lạgitʼ celakoakʼ bude jhicʼketʼtakoteye metatʼkoa,

Luk 24:32

Ado ạkin talare kin menjoṅana, “Horre uni do alaṅ sãoteye galmaraokan tahẽkanre ar sonot sostor reakʼe bujhạu alaṅkan tahekanre mon do cetʼ baṅ lolokʼkan tahẽkana?”

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Habakkuk 2:2

Unre Probhu Isor do roṛ ruạṛạdińteye metadińạ, “Noa dorson reakʼ katha olme ar dhiri paṭa cetanre pusṭạute rokʼ caṛhaome jemon ona paṛhaoetʼkanicʼ doe algateye paṛhao daṛeakʼ.

Esra 4:18

Okaṭakʼ ciṭhi iń ṭhenpe kol akatʼ ona do torjomakate paṛhao ańjomakana.

Nehemiạ 8:7

Jesua, Bani, Serebia, Jamin, Akub, Sabethai, Hodia, Makʼaseya, Kelita, Asaria, Josabad, Hanan, Pelaia-ar sanam Liwiko do onḍe teṅgo tahekan hoṛko ạn-ạri reakʼko bujhạuatʼkoa.

Nehemiạ 8:9

Ona tayom disạm cakʼlaoyicʼ Nehemiạ, naekeko ar dhorom guru Esra ar okoe Liwiko do hoṛkoko cetʼako kan tahẽkan onko do sanam hoṛko metatʼkoa, “Teheńakʼ niạ din do aperen Probhu Isor ńutumte sonotakʼ din kana. Ape do alope homora se alope raga.” Uni do niạ kathae menkeda, ente sanam hoṛge ạn-ạri reakʼ katha ańjomkateko rakʼetʼ tahẽkana.

Nehemiạ 8:12

Unre disạmren sanam hoṛko do rạskạ salakʼ jom-ńũi lạgitʼ ar jomakʼ hĩs khon kol lạgitʼko ruạṛ calaoena, ente okako katha onkoko baḍae ocolen ona doko bujhạu daṛeada.

2 Rapajko 23:2

Uni do Jihudạ ar Jerusalemren hoṛko, naekeko, nạbiko, disạm hoṛko ar lekman hoṛkoante Probhu Isorakʼ oṛakʼteye boloyena. Ar Probhu Isorakʼ oṛakʼre okaṭakʼ bondobos puthi ńamlen ona reakʼ sanam kathakoe paṛhao ańjomatʼkoa.

Nehemiạ 9:3

Ona tayom teṅgokate adha bela onko do akoren Probhu Isor ńutumte ạn-ạri reakʼ puthi khon paṛhaokateko ańjomkeda ar adha bela do kạiko aṅgocketʼa ar akoren Probhu Isor sewawae tulucʼ dinko khemaokeda.

Jeheskel 46:10

Bhitrite bolokʼ jokhecʼ disạm cakʼlaoyicʼ do hoṛko sãote bhitrite bolokʼ hoyokʼtaea ar bahrete oḍokokʼ jokhecʼ hõ hoṛko sãotege oḍok hijukʼ hoyokʼtaea.