Nehemiạ 8:10 - সান্তালী বাইবেল

¹⁰ Nehemiạ do onkoe metatʼkoa, “Ape do senkate bhage bhage jomakʼ ar heṛem heṛemakʼ darkha rasa ńũipe ar okoeyakʼ jomakʼ bạnukʼtako onko hõ thoṛa emakope. Teheńakʼ din do aboren Probhu Isor ńutumte sonotakʼ din kana. Ar alope dukokʼa, ente Probhu Isore emakʼ rạskạge apeakʼ daṛe do.”

Nehemiạ 8:10 Referans Kwoze

Kạhtukko 17:22

Rạskạkʼkan ontor do hoṛmo mońje dohoya, menkhan rạputʼ mon do hoṛmoe nosṭo ocoya.

Sosolhayic̕ 9:7

Onate am do senkate rạskạte jomme ar sukte darkha rasa ńũ joṅme, ente Isor do amakʼ niạko kạmi reakʼ laha khongeye kusi ạgu akawada.

Sereńko 149:2

Israel do acʼren sisirjạuicʼ iạteye rạskạkʼma, Sionren hoṛko do onkoren raj iạteko kusikʼma.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Ester 9:19

Ona iạte atoren Jihudiko, metakʼme okoe do begor pạcrite esetʼ jaegakoreko girobasokʼ kan tahẽkan onko do Adar cando reakʼ gelponakʼ dinre do rạskạwakʼ din ar bhoj reakʼ din ar eṭakʼko jomakʼ kolako reakʼ din lekateko palonkeda.

2 Korinthiko 8:2

Aema duk ar ạḍi okocʼ biḍạu talate ar reṅgecʼko tahẽkanre hõ onkoakʼ monre nunạkʼ rạskạ tahẽkana je, onko do asambheṛko danleda.

Ester 9:22

Niạ reakʼ karon do hoyokʼkana, niạkin dinre Jihudiko do akoren bạirikoakʼ ti khon rukhiyạko ńamleda ar inạ candoge onkoakʼ duk ar hae haeyokʼ do sukte pheraolena. Uni do onkoe olatʼkoa jemon onakin din do hulạsateko manao arko bhoj ar eṭakʼko ṭhen do jomakʼ ar reṅgecʼko do sandesko emakote ona dinko manao.

Sosolhayic̕ 3:13

Niạ do Isorakʼ dan kana, sanam manwageko jom ńũiya ar uniyakʼ joto kạmire kusiko tahena.

Sosolhayic̕ 2:24

Enḍekhan manwa lạgitʼ jom-ńũ ar apnarakʼ kạmire rạskạjoṅ chaḍa bhage ar cetʼge bạnukʼa. Ińiń ńelkeda niạ sanamakʼ do Isor ṭhen khonge hijukʼ kana,

Sosolhayic̕ 11:2

Eae goṭecʼ, hẽ irạl goṭecʼ hõ bakhrawakome, ente dhạrtire cetʼ muhin hijukʼa ona do do bam baḍaea.

Philipiko lạgitʼ Pạul apostolakʼ ciṭhi 3:4

Iń do iạkhạ apnarreń bhorsa daṛekokʼgea. Menkhan jãhãe eṭakʼ hoṛ apnarre bhorsa menakʼtaea menteye hudisetʼ khan, uni doe baḍaema, iń do uni khon hõ bạ̃ṛti jạruṛ menakʼtińạ.

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Soros sereń 5:1

E dulạṛiạ, E bạhutiń, iń do ińakʼ bagwanreń bolo akana; ińakʼ gondhoros iń sitʼetʼkana ińakʼ mahkaokʼ salakʼ. Iń do chatań jometʼtińạ ińakʼ dumur rasa tulucʼ, ar ińakʼ darkha rasań ńũiyetʼtińạ toa tulucʼ. Jompe, E gateko ar ńũ joṅpe, dulạṛte ńũ bikʼpe E dulạṛiạko. Dulạṛiạwakʼ katha: (Kuṛi)

Sosolhayic̕ 5:18

Ona tayomiń bujhạukeda, siń cando latarre manwa tinạkʼ din jiwetʼe dohoyede onate jom-ńũ ar kajak khaṭao talate tirpitokʼ tahenge uni lạgitʼ do bhage ar lek kana, ente uniyakʼ kuṛại do ona kangea.

Joel 2:23

E Sionren hoṛko, ma kusikokʼpe, aperen Probhu Isor iạte rạskạkʼpe, ente uniyakʼ dhorom iạte uni do laha dakʼe emapekana. Uni do ape lạgitʼ asecʼ tasecʼ dakʼe emokʼkana, pạhil lekage uni do laha ar tayom dakʼe emapekana.

Johan sodor 11:10

Onko do unkinakʼ mạ̃ṛĩ bako topa ocowakʼa. Ar unkin kin gocʼ akante noa dhạrtirenko doko kusikʼa arko rạskạkʼa. Hoṛko do sandesko kopola, ente okoe doko noa dhạrtiren kan onko do nukin barea nạbi iạte ạḍitetʼ kosṭoko ńamleda.

1 Samuel 25:8

Uni do acʼren gutikoe kulileko khange ona katha doe baḍae daṛeakʼa. Onate ińren noko juạn koṛako jemone dayawako, ente onko do uniyakʼ rạskạkʼ reakʼ dinre uni ṭhenko hecʼakana. Ona iạte daṛeakʼ bhor jemon uniren noko guti ar uniren hopon Dạud cetanre baṛeye dayakʼma.”

Nehemiạ 8:11

Liwiko do sanam hoṛko hape ocoketʼkoteko metakʼkoa, “Ape do hape akae tahenpe, ente teheńakʼ din do sonotakʼ din kana. Ar alope dukokʼa.”

Nehemiạ 8:12

Unre disạmren sanam hoṛko do rạskạ salakʼ jom-ńũi lạgitʼ ar jomakʼ hĩs khon kol lạgitʼko ruạṛ calaoena, ente okako katha onkoko baḍae ocolen ona doko bujhạu daṛeada.

Sakariạ 14:21

Jerusalem ar Jihudạ reakʼ mimitʼ isinakʼ reakʼ bhajanko do phạdkoren Probhu Isor ńutumte sonotokʼa ar okoe do janwar samaṅokʼakʼ porob palon lạgitʼko rakapʼ hijukʼ onko do onako bhajan reakʼ khon hataokate onareko isina. Ar enhilokʼ phạdkoren Probhu Isorakʼ oṛakʼre do okoe hõ bako bạnij-bepara.

1 Rapajko 8:66

Ona dosar hilokʼ raj do hoṛkoe bidạ baṛakatʼkoa. Probhu Isor do acʼren guti Dạud ar uniren hoṛ Israelko okae bhạlại akatʼko ona lạgitʼ kusi ar rạskạte hoṛko do rajko sarhaokedea ar oṛakʼteko ruạṛ calaoena.

1 Bõsbudạ 16:27

Unige man ar ṭhonokteye esetʼ ocoakana; uniyakʼ oṛakʼre do daṛe ar rạskạ menakʼa.

Sereńko 89:17

Amge coṅ onkoakʼ daṛe reakʼ mońjtetʼma; amakʼ dayatege aleakʼ daṛe reakʼ dereń do coṭteye rakapʼ akantalea.

Jesaea 49:5

Probhu Isor do acʼren golame hoeocoyiń lạgitʼ kukhireye benaoledińạ jemon Jakob do uni ṭheniń ạgu ruạṛe ar Israel do uni ṭhenko jarwakʼ. Iń do Probhu Isor nońjorreń manot ocoakana ar ińren Isor do ińakʼ daṛegeye hoyakana.