Nehemiạ 8:1 - সান্তালী বাইবেল

¹ Eaeakʼe cando lahare sanam hoṛko do mitʼ sãote dakʼ phaṭok samaṅre maedanreko jarwayena. Unre dhorom guru Esra do Israelko lạgitʼ Probhu Isorakʼ emakʼ hukum, metakʼme Moseyakʼ ạn-ạri puthi ạgu darako metadea.

Nehemiạ 8:1 Referans Kwoze

Esra 7:6

Esra do dhorom gurui tahẽkana. Israelren Probhu Isorakʼ emakʼ Moseyakʼ ạn-ạriko cetanre uni do bhage bud ar ạkil tahẽkantaea. Uniren Probhu Isorakʼ ti do uni cetanre tahẽkante okae khoj onage raj do uniye emaekan tahẽkana. Artaksasto rajakʼ rajokʼ eaeakʼ bochorre Esra do Jerusalemte tinreye hecʼlena unre uni sãote thoṛa Israelko hõko hecʼ toralena. Onko modre do naekeko, Liwiko, gaenahako ar mundil oṛakʼren rurukhiyạ ar sapʼ sosor kạmi hoṛko tahẽkana.

2 Bõsbudạ 34:15

Hilkiạ do unre rajren olokʼicʼ Saphane lạiyadea, “Iń do Probhu Isorakʼ oṛakʼre ạn-ạri reakʼ puthiń ńam akada.” Ar niạ menkate ona puthi do Saphane emadea.

Esra 7:11

Okoe do Israelko emako lạgitʼ Probhu Isorakʼ sanam hukum ar niạmko reaṅ cecetʼakʼe ńamletʼ uni naeke ar dhorom guru Esra ṭhen Artaksasto raj do niạ ciṭhiye olleda;

Mathae 23:34

Ona iạte iń do nạbiko, ạkilanko, ar sostor baḍaeko ape ṭheniń koletʼkoa. Ar ape do onko modren adomko dope gocʼkoa ar adomko dope kuruskoa. Ar adomko do apeakʼ sunạgogkorepe cạbuktepe dalkoa ar mitʼ nagraha khon eṭakʼ nagrahatepe laga baṛakoa.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Mathae 23:2

“Sostor baḍaeko ar Phạrusiko do ạn-ạriko cecetʼakʼ babotre Moseyakʼ jaegaregeko duṛupʼ akana.

Mathae 13:52

Unre Jisui metatʼkoa, “Serma raj reaṅko cetʼ akawan mitʼke mitʼ sostor baḍaeko do mitʼṭen oṛakʼ kisạ̃ṛ lekan kanako one okoe do acʼakʼ gola khon nãwãnakʼ ar mareakʼkoe oḍokketʼ.”

Malaki 4:4

“Ape do ińren guti Moseyakʼ ạn-ạri reakʼ katha, metakʼme Horeb burure sanam Israelko lạgitʼ okaṭakʼ ạn-ạriń emade tahẽkan ona disạipe.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

Nehemiạ 12:37

Dakʼ jharna phaṭok duạr ṭhen okare pạcri do cetan secʼ rakapʼ calao akan onḍe onko do sojhe Dạudakʼ nagrahate rakabokʼ siṛhiteko rakapʼ calaoente Dạudakʼ oṛakʼ aṛete purub secʼ reakʼ dakʼ phaṭok duạr ṭhenko senena.

Nehemiạ 8:16

Ona iạte hoṛko do onako ḍạrko ạguketʼte adomko do akoakʼ oṛakʼ chatre se racare se Isorakʼ oṛakʼ reakʼ racare se dakʼ phaṭok ṭhenakʼ phaelao racare se Ephrayim phaṭok ṭhenakʼ phaelao racare apnar lạgitʼ chamḍa oṛakʼko benaokeda.

Bikʼcạrko 20:8

Noate sanam hoṛ mitʼ domte teṅgoyenteko menkeda, “Okoe hõ oṛakʼte do babon calakʼa; ar aboko modre mitʼhoṛ hõ babon ruạṛa.

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.

2 Bõsbudạ 34:30

Uni do Jihudạ ar Jerusalemren hoṛko, naekeko, Liwiko, disạm hoṛko, lekman hoṛkoante Probhu Isorakʼ oṛakʼteye boloyena. Ar Probhu Isorakʼ oṛakʼre okaṭakʼ bondobos puthi ńamlen ona reakʼ sanamakʼ kathakoe paṛhao ańjomatʼkoa.

Esra 7:10

Esra do Israel disạmre Probhu Isorakʼ ạn-ạriko paṛhao ańjomako, onako manao, ar ona reakʼ niạmko ar hukumko cetʼako lạgitʼ apnartetʼe emena.

Nehemiạ 8:3

Ar dakʼ phaṭok samaṅ reakʼ maedan secʼ samaṅkate uni do herel, maejiu ar eṭakʼ okoeko bujhạu daṛeakʼ onko do setakʼ khon tikin hạbicʼe paṛhao ańjomatʼkoa, ar hoṛko do goṭa monte ona ạn-ạri puthi reakʼ kathako ańjomkeda.

Levitikus 9:5

Onko do Moseyakʼ hukum leka ńapamokʼ tạmbu samaṅre jotowakʼ jinisko ạgukeda ar sanam Israelko do Probhu Isor samaṅreko teṅgoyena.

2 Rapajko 23:2

Uni do Jihudạ ar Jerusalemren hoṛko, naekeko, nạbiko, disạm hoṛko ar lekman hoṛkoante Probhu Isorakʼ oṛakʼteye boloyena. Ar Probhu Isorakʼ oṛakʼre okaṭakʼ bondobos puthi ńamlen ona reakʼ sanam kathakoe paṛhao ańjomatʼkoa.

Esra 7:1

Niạko ghoṭna tayom Parasren raj Artaksasto rajokʼ oktere Esra do Babel khone hecʼena. Esra do Serayaren hopone tahẽkana, ar Seraya do Asariạren hopon, Asariạ do Hilkiạren hopon,

Nehemiạ 12:26

Josuạren hopon, metakʼme Josabadren goṛomtetʼ koṛa Joyakim ar disạm cakʼlaoyicʼ Nehemiạ ar naeke ar dhorom guru Esra oktere noko doko horhoyetʼ tahẽkana.