Nehemiạ 6:9 - সান্তালী বাইবেল

⁹ Onko do aleakʼ kạmi bond lạgitʼte niạ katha iạte botor udukʼ aleko kurumuṭuiyetʼ tahẽkana. E Isor, ńitokʼ do ińakʼ tire daṛe emokʼme.

Nehemiạ 6:9 Referans Kwoze

Sereńko 138:3

Iń do tinreń hohowatʼmea unre am dom roṛ ruạṛạdińa; ińakʼ ontor reakʼ daṛete am do dilanicʼem hoyocokedińa.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

Ibriko 12:12

Onate apeakʼ borocʼ ti ar nijor gunṭhiko do daṛe ocoytape.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Ephesiko lạgitʼ Pạul Apostolakʼ ciṭhi 3:16

Iń doń koejoṅkana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor do daṛeanakʼ hoyokʼtape,

2 Korinthiko 12:9

Menkhan uni doe metadińa, “Ińakʼ dayage am lạgitʼ ḍhera, ente nijorrege ińakʼ daṛe do sodorokʼa.” Onate ińakʼ nijorakʼko reaṅakʼre ạḍi kusikateń sarhaokʼa, jemon Mạsiyakʼ daṛe ińre tahen.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

1 Samuel 30:6

Unre Dạud do ạḍi muhinreye paṛaoena, ente hopon ar hoponerako iạte uniren hoṛkoakʼ mon do Dạud cetanre nonka haṛhatʼentakoa, onko do dhirite Dạud tińe lạgitʼko roṛ baṛayetʼ tahẽkana. Menkhan Dạud do acʼren Probhu Isor cetanre bhorsakate ontorre dile ńam ruạṛkeda.

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

Jirimiạ 38:4

Unre rajkạmiyạko do akoren rajko metadea, “Nui hoṛ do gocʼ ocokʼ lek kanae. Ente niạ nagrahare okoe lạṛhại phạdko ar hoṛko sarecʼ menakʼko uni do noako katha menteye as chuṭạu ocoyetʼkoa. Uni do noko hoṛkoakʼ bhạlại do bae khojkana.”

2 Bõsbudạ 15:7

Menkhan ape do daṛeanko hoyokʼpe, ar alope as chuṭạukʼa, ente kạmi reakʼ kuṛại dope ńamgea.”

Sereńko 71:1

E Probhu Isor, iń do amregeń hirlạ akana, ar lajaore tishõ alom paṛao ocoyińạ.

Sereńko 56:3

Botor rakapʼạńre iń do am cetanreń bhorsakʼ kana.

Nehemiạ 6:14

E ińren Isor, Tobiạ ar Sanbalat tạkin okaṭakʼ kin kạmi akatʼ ona do disạ dohokakʼme. Maejiu nạbi Noadiạ ar sarecʼ nạbiko okoe do iń botor ocoyiń reakʼko kurumuṭuletʼ onkoakʼ katha hõ disạ dohokakʼme baṛe.

Sereńko 68:35

E Isor, amakʼ sonot ṭhạ̃ire amem hạjirlenre do botor hijukʼa. Israelren Isor do uniren hoṛkoakʼ daṛe ar ektiạriye emako kana. Isorakʼ sarhaoge baṛe hoyokʼtae ma.

2 Bõsbudạ 32:18

Ar Jerusalemren okoeko hoṛ do pạcri cetanre tahẽkan onko botor udukʼako lạgitʼ Ibri pạrsite ãṭ aṛaṅte memenko ehopʼena jemon nagrahako dokhol daṛeakʼ.

Sakariạ 10:12

Ińakʼ daṛete onko do daṛeankoń hoyocokoa ar ińakʼ sana lekageko calakʼa. Iń Probhu Isorge noa katha doń meneda.”

Esra 1:6

Onko aḍepaseren sanam hoṛko do sona, rupạ reakʼ bhajan, eṭakʼ eṭakʼ jinisko, janwarko ar damanakʼ jiniskoko ematʼkote onkoko goṛowatʼkoa ar Isorakʼ oṛakʼ lạgitʼ apnarakʼ kusi leka danko emena.

Jeheskel 30:24

Iń do Babel rajakʼ tire daṛeń ema ar ińakʼ tarwaṛe do uniń calaea, menkhan Pharaoakʼ ti doń rạpudtaea. Onate Pharao do Babel raj samaṅre ghạl akan hoṛ lekae geraṅa.

Jesaea 40:29

Uni do laṅga akankoe daṛe ocoyetʼkoa ar nijorko do jore emako kana.