Nehemiạ 6:11 - সান্তালী বাইবেল

¹¹ Menkhan ińiń metadea, “Iń lekan hoṛ do cetʼ dạdạṛ lek kantińạ? Iń lekan hoṛ do cetʼ jãhãe leka mundilte bolokate jiwetʼe tahẽkokʼa? Iń do bạń calakʼa.”

Nehemiạ 6:11 Referans Kwoze

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Sereńko 112:8

Uniyakʼ mon do diṛhogete bae botorokʼ kana; sesre uni do acʼren bạirikoakʼ bhagaoe ńela.

Sereńko 112:6

Uni do sanam ghạṛicʼ teṅgo ṭak akane tahena; ar Isor bhokti hoṛ do jaejug hạbicʼe disạ dohoyea.

Ibriko 11:27

Isor cetanre biswạs iạtege uni do raj begor botoraete Misor disạme bạgiyatʼ tahẽkana, ente uni do baṅ ńelokʼicʼ ńelekan lekae sumbhrạukeda.

Philipiko lạgitʼ Pạul apostolakʼ ciṭhi 2:30

Mạsiyakʼ kạmi lạgitʼ uni do gujukʼ dạkhile hoylena. Ar hạjir bape tahẽkante iń lạgitʼ oka bape ceka daṛeakatʼ tahẽkan ona lạgitʼ uni do acʼakʼ jiwi sudhạ emokʼ hõ rạjigeye tahẽkana.

Sosolhayic̕ 10:1

Gocʼ rõ do cetʼleka so sunum seageye so ocoy, onkage thoṛa bebujtetʼ do ạkil ar manote muchạu giḍiya.

Nehemiạ 6:9

Onko do aleakʼ kạmi bond lạgitʼte niạ katha iạte botor udukʼ aleko kurumuṭuiyetʼ tahẽkana. E Isor, ńitokʼ do ińakʼ tire daṛe emokʼme.

Nehemiạ 6:3

Onate iń do hoṛ kolkateń roṛ ruạṛatʼ kinạ, “Iń do mitʼṭecʼ bises kạmiyiń kạmikante bạń sen daṛeakʼ kana. Ar kạmi bạgikate aben ṭhen calakʼte cedakʼ kạmi do bond tahena.?”

1 Samuel 19:5

Uni do acʼakʼ jiwi cuputʼkate uni Philisṭi hoṛe gocʼkedea, ar Probhu Isor do goṭa Israel lạgitʼ maraṅ bańcaoe hoeocokeda; ar ona ńelte am dom kusilena. Enḍekhan ńitokʼ do cedakʼ ạuṛiyakʼte Dạud gojete mitʼṭen bindusi hoṛakʼ mãyãm joro ocoyte uni upạrtem kạiya.”

Aposkạmi 8:1

Ar onḍe Sạul hõ uni gocʼ ocokʼre rạjigeye tahẽkana. Enhilokʼ Jerusalem manḍerren hoṛko upạrte maraṅ okocʼ khed ehopʼena. Onate apostolko chaḍa sanam biswạsiko do Jihudạ ar Samariạ disạm reakʼ ṭoṭhakoreko chirchạturena.

Jesaea 10:18

Mitʼṭen rugi hoṛ cetʼlekae rohoṛ idikʼkan, onkage ona seṅgel do Ạsur reakʼ sanam bir ar batao akatʼ khetko purạteye marao giḍiya.

Nehemiạ 6:12

Iń doń bujhạu ńamkeda, Isor do uni bae kol akadea; Tobiạ ar Sanbalat do ṭakakin emakawadete iń upạrte noako kathae roṛeda.

Numeri 3:10

Naeke lekate kạmi lạgitʼ am do Aron ar uniren hoponkom ojokʼ bahalkoa. Onko chaḍa ar jãhãege naeke reakʼe kạmi uni doe gocʼ ocokʼa.”