Nehemiạ 6:10 - সান্তালী বাইবেল

¹⁰ Mitʼdin iń do Delayaren hopon Semayawakʼ oṛakʼteń calaoena. Delaya do Mehetabelren hopone tahẽkana. Semaya do uniyakʼ oṛakʼreye oko akan tahẽkana. Uniye menkeda, “Dela hijukʼme, alaṅ do Isorakʼ oṛakʼre, sonot oṛakʼ talare laṅ ńapamlenge ar silpiń laṅ sińkakʼa, ente hoṛko do am gocʼme lạgitʼko hijukʼ kana; onko do ńindạ okte am gogocʼko hijukʼa.”

Nehemiạ 6:10 Referans Kwoze

Jirimiạ 36:5

Ona tayom Jirimiạ do Baruke metadea, “Iń do Probhu Isorakʼ oṛakʼte bolokʼ iń baron ocoakante onḍe do bạń bolo daṛeakʼa.

Aposkạmi 21:30

Unre goṭa nagrahare gulmal ehopʼena. Hoṛko do mitʼ sãoteko ńir hecʼente Pạulko jhuṭiạukedea ar mundil khonko or oḍok kedea ar ona são sãote mundil reakʼ duạrkoko sińkada.

Johan 3:20

Okoe bạṛicʼakʼe kạmikan uni do marsale hirkhạwakʼ kana. Ar bạṛicʼ kạmiko sodorokʼtae iạte marsal ṭhen do bae hijukʼkana.

Mathae 7:15

“Eṛe nạbiko khon sontor akae tahenpe. Onko do bhiḍi chinte ape ṭhenko hijukʼa, menkhan bhitri bhitrite onko do jojom hunḍạr kanako.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Jeheskel 3:24

Unre Isorren Jiu do ińreye boloyena ar ińakʼ jaṅgateye teṅgokedińa. Uni doe metadińạ, “Am do amakʼ oṛakʼte bolokʼme ar duạr sińkate bhitrire tahenme.

Kạhtukko 11:9

Okoe Isor bae botorae uni do mocate aḍepaserenkoakʼ bạṛicʼe ạguiya, menkhan Isor botorae hoṛ do ạkil iạte rukhiyại ńama.

Sereńko 37:12

Isor botoraeko upạrte bạṛicʼ hoṛko do phundiko aṭaoa ar onko upạrte ḍaṭako keṭer meṭertakoa.

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Nehemiạ 6:12

Iń doń bujhạu ńamkeda, Isor do uni bae kol akadea; Tobiạ ar Sanbalat do ṭakakin emakawadete iń upạrte noako kathae roṛeda.

Esra 10:31

Harim bõsko modre Eliaser, Jisia, Malkia, Semaya, Simeon,

Esra 8:16

Unre iń do Elieser, Ariel, Semaya, Elnathan, Jarib, Elnathan, Nathan, Sekaria, ar Mesulam ńutuman mukhiyạko ar Joyarib ar Elnathan ńutuman bar hoṛ cecetʼkin iń hoho ạgu ocoketʼkoa.

2 Bõsbudạ 29:7

Onko do pinḍạ reakʼ duạrko bond akada ar diuheko ĩṛĩcʼ akada. Niạ sonot oṛakʼre Israelren Isor ńutumte dhup do bako jeretʼleda se jãhãn jeredokʼ samaṅokʼakʼ hõ bako samaṅleda.

2 Bõsbudạ 29:3

Uniyakʼ rajokʼ pạhil bochor reakʼ pạhil candore uni do Probhu Isorakʼ oṛakʼ reakʼ duạrkoe jhicʼkeda are jut arokeda.

2 Bõsbudạ 28:24

Ahas do Isorakʼ oṛakʼ reakʼ jinisko mitʼ ṭhene jarwaketʼte onakoe makʼ khanḍa khunḍikeda. Ar Probhu Isorakʼ oṛakʼ reakʼ duạrkoe bondkada ar Jerusalem reakʼ goṭa jaegare pinḍkoe benaokeda.

2 Rapajko 11:3

Uni do acʼren jokʼtonicʼ sãote turui bochor Probhu Isorakʼ oṛakʼre okogeye tahẽkana; unre Athaliạ do disạmreye rajokʼkan tahẽkana.

2 Rapajko 9:8

Ahabakʼ bõsren jotogeko marao utạrokʼa. Golamge cetʼ ar sạdhinge cetʼ, Ahabakʼ bõsren mitʼke mitʼ herel hopon doń gocʼ cabakoa.

1 Rapajko 6:5

Ar asolakʼ kandha ar sonot utạrakʼ ṭhạ̃i reakʼ pe aṛe bhit jalatʼte pe mahla mitʼṭecʼ oṛakʼe benaokeda. Ar onare ạḍi utạr khuṛpikoe dohokeda.

Genesis 36:39

Akborren hopon Balhanawakʼ gujukʼ tayom Hadad do uniyakʼ jaegare raje hoyena. Ar uniyakʼ raj nagraha reakʼ ńutum do Pau tahẽkana, ar uniren bạhuttetʼakʼ ńutum do Mehetabel tahẽkana, Uni do Matredren hoponera ar Mesahabren goṛomtetʼ kuṛiye tahẽkana.