Nehemiạ 5:2 - সান্তালী বাইবেল

² Adomko doko menetʼ tahẽkana, “Ale ar aleren koṛa ar kuṛi hoponko do lekharele ḍhergea; jom-ńũkate jiwetʼ tahen lạgitʼ bạ̃ṛti anaj jạruṛalea.

Nehemiạ 5:2 Referans Kwoze

Genesis 43:8

Unre Jihudạ do acʼ babae metadea, “Uni do ale sãote sen ocoaeme baṛe. Ale do usạrate senkatele ruạṛ hijukʼa jemon am ar ale aleren gidrạko jiwetʼko tahen ar alo bon gujukʼ.

Genesis 42:2

Uni do arhõe metatʼkoa, “Ańjompe, ińiń ańjomakada Misor disạmre jomakʼ menakʼa. Onate ape do onḍe senokʼpe ar abo lạgitʼ jomakʼ kiriń ạguipe jemon jiwetʼbon tahen ar alobon gujukʼ.”

Genesis 41:57

Ar eṭakʼ disạmkore hõ maraṅ akal hoyena, onḍenko hoṛ hõ Joseph ṭhen khon jomakʼ kiriń idijoṅ lạgitʼ Misorte hijukʼko ehopʼena.

Dosar Biboron 23:19

“Jãhãe Israel boehako ṭhen khon sud alope hataoa, baṅ do ṭaka cetanre ar baṅ do jomakʼ jinis cetanre, baṅ do eṭakʼ jãhãn jinis cetanre ape do sudge alope hataoa.

2 Rapajko 4:1

Ar cela-nạbiko modren mitʼṭen maejiu do ãṭ aṛaṅte Elisaeye metadea, “Amren guti ińren jãwãeye gocʼakan ona dom baḍaegea, uni do Probhu Isor botorae hoṛe tahẽkana. Menkhan ńitokʼ iń jãwãeren mitʼṭen paonadar do ińren hoponkin acʼren golame hoyocokine mente unkin idikin lạgitʼe hecʼakana.”

Nehemiạ 5:3

Eṭakʼkoko menetʼ tahẽkana, “Anaj ńam lạgitʼ ale do aleakʼ jaega jumi, darkha bagwan ar oṛakʼ duạr bondhok doho lagao alekana.”

Hagae 1:6

Ape do ḍhergepe eretʼkana, menkhan thoṛagepe ireda. Jom dope jometʼgea, menkhan bape bikʼ kana. Darkha rasape ńũiyetʼkangea, menkhan ḍher do bape ńameda. Kicricʼpe horokʼetʼgea, menkhan bape lolokʼ kana. Ar beton ńamkate do bhugạkʼ thạilạkʼrepe dohoyetʼkana.

Genesis 47:19

Ale do jumi sudhạ sanamkoge amakʼ mẽtʼãhã samaṅre cedakʼle cabakʼa? Onate aleakʼ jaega-jumi joto hataome, ar ona bodolte jomakʼ emaleme. Ale do jaega-jumi sudhạ Pharaoren golamle hoyokʼa. Ona tayom hõ alo jemonle gujukʼ bickom jiwetʼle tahẽdaṛeakʼ onate thoṛa itạ hõ emalem. Enḍekhan aleakʼ jumi hõ baṅ nosṭokʼtalea.”