Nehemiạ 5:16 - সান্তালী বাইবেল

¹⁶ bickom iń do niạ pạcri reakʼ kạmire lạgiạ paṛao akaniń tahẽkana. Ińren sanam gutiko hõ kạmi lạgitʼ onḍeko jarwakʼkan tahẽkana. Ale do okoege jumi do bale kirińleda.

Nehemiạ 5:16 Referans Kwoze

Galathiko lạgitʼ Pạul Apostolakʼ ciṭhi 6:9

Bhageakʼ kạmi kạmite alo bon mokońokʼma, ente babon loraolen khan okte nạpitre phosol bon ńama.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Luk 8:15

Ar bhage hasare ńũren itạte do onko lạgitʼge roṛ akana, okoe do khạṭi ar soṛa monte ona katha ańjomkate kajakteko sapʼ dohojoṅ kan ar onare ṭarhao akae tahente jionreko gele belekʼkan.

Numeri 16:15

Niạ katha ańjomkate Mose do ạḍiye edreyena ar Probhu Isore metadea, “Onkoakʼ samaṅokʼakʼ do alom ataṅtakoa. Onko ṭhen khon iń do mitʼṭen gadha hõ bạń hatao akadea ar onkoakʼ cetʼ hõ bạń loksan akatʼtakoa.”

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

Nehemiạ 5:17

Ona chaḍa hõ Jihudi ar cetan hudạren kạmiyạko mod khon mitʼsae mõṛẽgel hoṛko ar aḍepase jạtrenko khon okoe do ale ṭhenko hijukʼkan tahẽkan onko do ale sãoteko jom-ńũiyetʼ tahẽkana.