Nehemiạ 4:11 - সান্তালী বাইবেল

¹¹ Aleren bạirikoko meneda, “Onko ạuriko baḍaerege onko talare bon senokʼa ar bon gocʼkote kạmi bon bond oṭokakʼa.”

Nehemiạ 4:11 Referans Kwoze

Aposkạmi 23:21

Am do onkoakʼ katha alom senakʼa, ente pongel khon hõ bạ̃ṛti hoṛ do Pạul lạgitʼ tãṛãkʼ akan menakʼkoa. Noko hoṛ do Pạul ạuriko goje hạbicʼ cetʼge bako jom ńũiya menteko kiriạ akana. Arko sapṛao akana ar am ṭhen khon kathako ńel hohorkana.”

Aposkạmi 23:12

Ado dosar hilokʼ setakʼ bela Jihudiko do mitʼṭecʼko soṛojontrokeda ar Pạul ạuriko goje hạbicʼ cetʼge bako jom ńũiya menteko kiriạyena.

Jesaea 47:11

Menkhan am do durdosarem paṛaokʼa, ar mantar hotete hõ ona do bam kaṭao daṛeakʼa. Unre muhinrem paṛaokʼa, ar bam ṭarhao daṛeakʼa. Ar okaṭakʼ sorbonas babotre laha khon bam baḍaekan tahẽkan ona do ackage amre hecʼ paṛaokʼa.

Sereńko 56:6

Onko do mitʼ ṭhenko jarwakʼa, ar iń lạgitʼko tãṛãgokʼa; ar gojeń reakʼ ạt ńam lạgitʼ onko do ińakʼ daṛanko tạnkhiyetʼa.

2 Samuel 17:2

Ente tinre uni do laṅga ar lorao akane tahena unrege uni cetanre jhãpiń ema. Ar nunạkʼ botoriń udukʼaea, acʼ sãoten hoṛ hõ botorteko dạṛ pạnḍuja. Unre eken raj eskargeń gojea,

Nehemiạ 4:9

Menkhan ale do aleren Isor ṭhenle koekeda ar onko botorte siń ńindạ pahrae lạgitʼle bebostakeda.

Nehemiạ 4:10

Inạkʼtege Jihudạren hoṛko menkeda, “Kạmiyạ hoṛ doko nijor idikʼkana ar gejer dhiriko do nunạkʼ ḍhera je, ale do pạcri ar bale gathao daṛeakʼkana.”

Nehemiạ 4:12

Ona iạte okoe Jihudiko do onko sorreko girobasokʼ kan tahẽkan onko do hecʼkateko metalekan tahẽkana, “Ale ṭhen ruạṛ hijukʼpe.”