Nehemiạ 3:1 - সান্তালী বাইবেল

¹ Maraṅ naeke Eliasib ar uni sãoten naekeko do kạmireko dhurạuente bhiḍi duạrko benao arokeda. Onko do Isor ńutumte onako sonotketʼte ona reakʼ silpińko lagaoada. Ona tayom Humaya gaṛ ar Hananel gaṛ hạbicʼ pạcriko gathaoketʼte ona banar hĩs hõko samaṅkeda.

Nehemiạ 3:1 Referans Kwoze

Nehemiạ 12:39

Ona tayom do Ephrayim phaṭok duạr, Jisana phaṭok duạr, Hako phaṭok duạr, Hananelakʼ gaṛ ar Saeko reakʼ gaṛ aṛete bhiḍi phaṭok duạr hạbicʼko senena. Ar ona tayom do horhokoakʼ phaṭok duạr hạbicʼ senkateko thirena.

Jirimiạ 31:38

Probhu Isore meneda, “Ona okteko hijukʼkana tinre iń lạgitʼ Hananel buruńj khon Konac reakʼ phaṭok duạr hạbicʼ niạ nagraha do arhõ benao arokʼa.

Johan 5:2

Jerusalemre bhiḍi-phaṭokʼ ṭhen mitʼṭecʼ pukhri menakʼa; onḍe do mõṛẽ goṭecʼ umul akatʼ jaega menakʼa. Ibri pạrsite ona pukhri reakʼ ńutum do Bethsaedako metakʼkana.

Sakariạ 14:10

Goṭa dhạrtige Araba reakʼ tapol ot leka hoyokʼa, Geba khon Jerusalem dạkhin secʼre menakʼ Rimon hạbicʼ, menkhan Jerusalem do usulrege tahena. Benjạmin reakʼ phaṭok duạr khon pạhilakʼ phaṭok duạr ar konac reakʼ phaṭok duạr hạbicʼ ar Hannanelakʼ usul pahra oṛakʼ khon rajakʼ darkha lelen ṭhạ̃i hạbicʼ goṭa nagraha do ṭhikge tahena.

Kạhtukko 3:9

Am do amakʼ dhon duribko reakʼ ar amakʼ phosolko reakʼ pạhilakʼ hĩsko Probhu Isor samaṅaeme ar manot emaeme;

Nehemiạ 13:28

Maraṅ naeke Eliasibren hopon Jehoyadaren mitʼṭen hopon do Horoni hoṛ Sanbalatren kuṛiye bapla akadea. Ona iạte iń ṭhen khon uni koṛa doń laga ńirkedea.

Nehemiạ 3:32

Sonhar ar bạnij bepariko do pạcri konac reakʼ koṭha kandha ar bhiḍi duạra tala reakʼ jaegako jut arokeda.

Kạhtukko 3:6

Amakʼ calakʼ horre uni do samaṅre dohokaeme; unige amakʼ sanam horkoe sojheytama.

Sereńko 30:1

E Probhu Isor, amiń sarhaomea, ente amgem rakapʼ ạgu akadińạ; ińren bạiriko do iń upạrte bam rạskạ oco akatʼkoa.

Nehemiạ 12:30

Naeke ar Liwiko do apnartetʼko saphayena ar hoṛko hõko saphaketʼkoa; ar ona tayom do pạcri ar phaṭok duạrko saphakeda.

Nehemiạ 7:1

Pạcri benao sạten khan iń do silpińkoń sińkada. Ona tayom do duạr rurukhiyạko, sekʼreń dolko ar Liwikoń bahalketʼkoa.

Nehemiạ 6:1

Tayomte Sanbalat, Tobiạ, Arabiạ, Gesam ar aleren sarecʼ bạirikoko ańjom ńamkeda je, iń do arhõ pạcriyiń gathao akada ar ona pạcri talare jãhãn phãkge bạnukʼa. Ar unhạbicʼ hõ phaṭok duạrkore silpiń bạń lagao akatʼ tahẽkana.

Nehemiạ 3:20

Ona tayom Sabairen hopon Baruk do pạcri reakʼ konac khon maraṅ naeke Eliaserakʼ oṛakʼ duạr hạbicʼ mon lagaokateye jut arokeda.

Dosar Biboron 20:5

“Ona tayom onkoren mukhiyạko mena, ‘ape talare jãhãe nãwãte oṛakʼ benaokate ona bae uḍhạu akatʼ khan uni do oṛakʼteye ruạṛ calakʼma; ar baṅkhan lạṛhạire uniye gocʼlen khan eṭakʼko do ona oṛakʼko uḍhạu joṅa.

Nehemiạ 12:10

Josuạren hopontetʼakʼ ńutum do Joyakin, Joyakinren hopon do Eliasib, ar Eliasibren hopon do Joyada;

Sereńko 48:12

E Jihudạren hoṛko, ape do Sion buru beṛhaete ạcur hijukʼpe, ar uniyakʼ gaṛko lekha legaepe;

Daniel 9:25

“Onate baḍaeme ar bujhạume, Jerusalem do arhõ benao ruạṛ ar jut aroe reakʼ hukum oḍokokʼ khon mitʼṭen ojokʼicʼ, metakʼme, cakʼlaoicʼe hijukʼ hạbicʼ do eae haptage hoyokʼa. Khan turuigel bar hapta do benao aroakan tahena dobạṭiạ ar pogar gaḍawante, menkhan muskil oktekorege.

Nehemiạ 3:21

Ona tayom reakʼ hĩs do Uriạren hopon Meremoth do Eliasibakʼ oṛakʼ reakʼ silpiń khon ehopʼkate oṛakʼ reakʼ mucạtʼ hạbicʼe jut arokeda. Uriạ do Hakosren hopone tahẽkana.

Nehemiạ 13:4

Inạ lahare naeke Eliasib, okoe do aboren Isorakʼ khajańci oṛakʼ reakʼ bhare ńamletʼ tahẽkan, uni do mitʼṭecʼ maraṅ okocʼ kandha Tobiại emade tahẽkana, ente Tobiạ do uniren peṛaye tahẽkana. Ona kandhare lahate do phosol samaṅokʼakʼ jinisko, dhup ar mundil oṛakʼ reakʼ jinisko dohokʼkan tahẽkana. Ona chaḍa onḍe do liwiko, sekʼreń dolko ar rurukhiyạko lạgitʼ hukum akatʼ anajko, nãwã darkha rasa ar sunumko reakʼ gelakʼ hĩs reakʼ mitʼ hĩsko dohoyetʼkan tahẽkana ar naekeko lạgitʼ oka emokʼ kan tahẽkan ona hõ onḍegeko dohoyetʼ tahẽkana.