Nehemiạ 2:3 - সান্তালী বাইবেল

³ enhõ rajiń metadea, “Maharaj do jaejug jiwetʼ baṛeye tahenma. Ińren hapṛamko oka nagrahareko topa ocoakan ona nagraha doko dhaṅ dhaser akada ar ona reakʼ phaṭok duạrko do seṅgelteko jeretʼ akada ar ona ańjomkate ińakʼ mẽtʼãhã do mulin baṅkhan cekakʼtińa?”

Nehemiạ 2:3 Referans Kwoze

Nehemiạ 1:3

Onko doko lạiyadińa, “Bondi dosa khon okoe do disạmteko ruạṛ senakan onko do maraṅ harkhet ar henostare menakʼkoa. Jerusalem reakʼ pạcri do rạputʼ akana ar ona reakʼ phaṭok duạrko hõ seṅgelteko jeretʼ akawada.”

Daniel 2:4

Unre kạldiko do Arami pạrsite rajko metadea, “E maharaj, jaejug baṛe jiwetʼem tahenma. Amakʼ kukmũ do amren gutiko lạiyaleme, ale do ona reakʼ bhedle bhaṅgaoama.”

1 Rapajko 1:31

Unre Bethseba do otre ombakʼkate raje ḍobokʼadeteye menkeda, “Ińren mạlik maharaj do jaejug hạbicʼ jiwetʼe tahen ma.”

Daniel 5:10

Raj ar uniren mukhiyạkoakʼ katha ańjomkate rajren eṅgattetʼ do bhoj oṛakʼre hecʼkateye menkeda, “E maharaj, jaejug jiwetʼ baṛe tahenme. Am do alom botorokʼa ar amakʼ mẽtʼãhã do alom mirluṅ ocoytama.

Sereńko 137:6

Amiń disạ doholem khan ar Jerusalem do ińakʼ joto khon rạskạ reakʼ jinis mente bạń hudis lekhan, enḍekhan alaṅ do ińakʼ tạrurege jalatʼ hapekokʼma.

Daniel 6:21

Daniele roṛ ruạṛkeda, “E maharaj, jaejug jiwetʼ baṛe tahenme.

Daniel 6:6

Unre raj-cakʼlaoko ar disạm cakʼlaoko do mitʼ dhaote raj ṭhen senkateko menkeda, “Maharaj Darjawes, jaejug jiwetʼ baṛe tahenme.

Rak̕joṅ 2:9

Ona reakʼ phaṭok duạrko do otre danaṅ akana; huṛkạṛko doe rạputʼ giḍiakada. Uniren raj ar mukhiyạko do jạt jạtrenko talareko bondi ocoakana; ạn-ạri mente cetʼge bạnukʼa; uniren nạbiko do Probhu Isor ṭhen khon dorson do bako ńameda.

2 Bõsbudạ 32:33

Tayomte Hiskiạ do acʼren hapṛamko ṭhene senena ar Dạud bõsrenkoakʼ topa ṭạnḍi aṛereko topakadea. Uniye gujukʼ jokhecʼ Jihudạ ar Jerusalemren sanam hoṛ do uniko manotkedea. Ar uniren hopon Manase do uni bodolteye rajena.

2 Bõsbudạ 28:27

Tayomte Ahas do acʼren hapṛamko ṭhene calaoena ar Jerusalem nagrahareko topakadea, menkhan Israelkoren rapajkoakʼ topare do bako topaledea. Ar uniyakʼ jaegare do uniren hopon Hiskiạko rajkedea.

2 Bõsbudạ 21:20

Jehoram do pegel bar bochor umerre raje hoylena ar irạl bochor Jerusalemre raje calaokeda. Uniyakʼ gujukʼre okoe hõ bako duklena. Ar Dạudakʼ nagrahare uniko topakadea menkhan rapajkoakʼ topare do bako baeledea.

Daniel 3:9

Onko do rajko metadea, “E maharaj, jaejug jiwetʼ baṛem tahenma.

Sereńko 102:14

Amren golamko do uniyakʼ dhiriko hạ̃sakʼ kana; ar ona reakʼ dhuṛi hõko mãyãwakʼ kana.

Levitikus 26:31

Iń do apeakʼ atoko, nagrahako ar dewa-sewa oṛakʼkoń marao giḍikatapea. Ar apeakʼ samaṅokʼakʼko bạń ataṅtapea.

2 Rapajko 25:8

Babelren raj Nebukadnesar rajokʼ gel areyakʼ bochor reakʼ mõṛẽakʼ cando reakʼ eaeyakʼ dinre rajren rurukhiyạ dolren subedar Nebusaradan do Jerusalemteye hecʼena.

2 Bõsbudạ 36:19

Uniren hoṛko do Isorakʼ oṛakʼko jeretʼada ar Jerusalem reakʼ pạcriko rạputʼkeda. Onko do onḍenakʼ lạṭu lạṭu joto oṛakʼko jeretʼada ar sanam damanakʼ jinisko nosṭo giḍikada.

Nehemiạ 2:13

Enhilokʼ ńindạ iń do oḍokkate buru nala duạrte toyo- kuń ar ona tayom do jobra duạrteń oḍok calaoena ar Jerusalem reakʼ rạputʼ pạcri ar seṅgelte ḍahao akan duạrko reakʼ dosakoń ńelkeda.

Jirimiạ 52:12

Babelren raj Nebukadnesar rajokʼ gel areakʼ bochor reakʼ mõṛẽakʼ cando reakʼ gelakʼ dinre rajren rurukhiyạ dolren subedar hisạbte okoe do raje sapʼ soraekan tahẽkan uni Nebusaradan do Jerusalemteye hecʼena.

Ester 8:6

Ińakʼ jạt ar ińren hoṛko cetanre hecʼ paṛaokʼ ghoṭnako do cekateń sahao daṛekea?”

Sereńko 38:7

Ińakʼ ḍanḍare do jal jalaokʼkan hasoge menakʼa, ar ińakʼ horko do nirại bạnukʼtińạ.

Sereńko 102:15

Unre Probhu Isorakʼ ńutum ańjomkate eṭakʼ jạtrenko do botor hecʼakoa; ar amakʼ ṭhonok ńelte dhạrtiren sanam rajko hõ botor caṛhaoakoa.