Nehemiạ 2:18 - সান্তালী বাইবেল

¹⁸ Ińren Isor cetʼlekae bhạlại akadiń ar raj okae men akawạdiń ona do onkoń baḍae ocoketʼkoa. Onkoko roṛ ruạṛadińa, “Dela enḍekhan, benao bon ehopʼlege.” Ar niạ menkate ona bhage kạmi ehopʼ lạgitʼko sapṛaoena.

Nehemiạ 2:18 Referans Kwoze

Philipiko lạgitʼ Pạul apostolakʼ ciṭhi 2:13

Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

2 Bõsbudạ 32:5

Hiskiạ do pạcri reakʼ joto rạputʼ akan hĩsko ar usul pahra oṛakʼkoe jut aro ocoketʼteye keṭecʼkeda. Ona chaḍa pạcri bahrete uni do ar mitʼṭecʼ bhite benaokeda ar Dạud nagraha reakʼ Miloye kajakkeda. Uni do ạḍi utạr khanḍa bhanḍa ar ḍhalkoe benao ocokeda.

1 Bõsbudạ 19:13

Dil dohoyme; alaṅren hoṛko lạgitʼ ar aboren Isorakʼ nagrahako lạgitʼ ar dela abo do dil salakʼ bon lạṛhạilenge. Probhu Isorakʼ mẽtʼre oka bhageakʼ kan onage uni doe kạmi ma.”

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

Esra 6:22

Onko do eae din hạbicʼ rạskạ salakʼ bin khạmiyanakʼ piṭhạ porobko porobena. Onko do rạskạteko perecʼena, ente Ạsurren raj jemon Israelren Isorakʼ oṛakʼ reakʼ kạmireye goṛowako onate Probhu Isor do uniyakʼ mone ạcruletʼtaea.

2 Samuel 2:7

Onate ape do keṭejokʼpe ar dilanko hoyokʼpe. Aperen mạlik Sạul doe gocʼena ar Jihudạ gusṭiren hoṛko do raj lekate ińko ojokʼ bahal akadińạ.”

1 Bõsbudạ 11:10

Probhu Isorakʼ gokʼakʼ lekate Dạud jemon goṭa disạm cetanre acʼakʼ ạidạriye teṅgo daṛeakʼ ona lạgitʼ daṛean hoṛko modre okoe mukhiyạko tahẽkan onko do sanam Israelko soṅgekate uni secʼko hoyente uniyakʼ raj daṛeko keṭecʼketʼtaea. Onko daṛean hoṛkoakʼ katha do noa kana: Jasbiam ńutuman Hokmoniạkoren mitʼṭen hoṛe tahẽkan uni do “Pe gel” ńutuman bir banṭaren mukhiyại tahẽkana. Uni do mitʼ dhao borlomte pe sae hoṛe sobokʼ gocʼletʼkoa.

1 Samuel 23:16

Unre Sạulren hopon Jonathan do Horesre Dạud ṭhen hecʼkate Isor cetanre bhorsakʼ reakʼe udgạukedea.

Nehemiạ 2:8

Ona chaḍa uni do acʼren bir rurukhiyạicʼ Ashap ṭhen ciṭhiye ol jemon mundil oṛakʼ buruńj reakʼ duạrako lạgitʼ ar nagraha reakʼ pạcri lạgitʼ ar ińakʼ tahen oṛakʼre lạgitʼ kaṭkoe imạń.” Ińren Isorakʼ bhạlạiyanakʼ ti iń cetanre tahẽkante raj do ińakʼ nehõre dohoketʼtińạ.