Nehemiạ 2:17 - সান্তালী বাইবেল

¹⁷ Tayomte onko maraṅ hudạren kạmiyạkoń metatʼkoa, “Abo harkhet ar sasetre menakʼ bon ona dope ńeletʼgea. Jerusalem do dhaṅ dhaser akana ar ona reakʼ phaṭok duạrko do seṅgelteko jeretʼ akada. Onate dela abo do, Jerusalem reakʼ pạcri arhõ bon beretʼ ruạṛa. Inạ khan henostawan hoṛ mente do ar babon tahena.”

Nehemiạ 2:17 Referans Kwoze

Jeheskel 5:14

“E Jerusalem, am beṛhaeten jạtrenko modre okoe do am aṛeteko parom calakʼ onkoakʼ mẽtʼ samaṅre dhaṅdhasericʼ ar landa-dhutʼicʼ iń hoyocomea.

Nehemiạ 1:3

Onko doko lạiyadińa, “Bondi dosa khon okoe do disạmteko ruạṛ senakan onko do maraṅ harkhet ar henostare menakʼkoa. Jerusalem reakʼ pạcri do rạputʼ akana ar ona reakʼ phaṭok duạrko hõ seṅgelteko jeretʼ akawada.”

Sereńko 79:4

Ale do aḍepase jạtrenko ṭhen lelhagele hoyakana, ar ale beṛhaeten hoṛko ṭhen do landa dhutʼren hoṛle hoyakana.

Rak̕joṅ 3:51

Ińakʼ nagraharen sanam maejiuko reaṅ okań ńeletʼkan, onate ińakʼ jiwi do ragokʼ kantińạ.

Rak̕joṅ 2:2

Jakobakʼ tahen joto ṭhạ̃ige Probhu Isor doe mohor meṭao akada, uni do cetʼge bae mãyã akawadea. Jihudạ hoponerawakʼ aotan gaṛ hõ acʼakʼ kurkurạukʼ edreteye rạputʼ akada, ar onako do otreye milạu akada. Uniyakʼ rajosṭi ar mukhiyạko doe besonot ocoakatʼkoa.

Jirimiạ 24:9

Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.

Sereńko 79:12

E Probhu Isor, ale aḍepase jạtrenko do oka leka aleko henostawale kana, ona reakʼ eae doboṛ sạjại baṛe hala ruạṛakome.

Sereńko 44:13

Aḍepase jạtrenko ṭhen am do alem henosta ocoyetʼlea; ar beṛhaeten hoṛko ṭhen do landa dhudhutʼkom hoyocoakatʼlea.

1 Samuel 11:2

Amoniạ Nahas do roṛ ruạṛatʼkoteye metatʼkoa, “Mitʼṭecʼ sorto iạte ape sãoteń bondobos daṛekea. Ar ona do hoyokʼ kana, ape sanamkoakʼ jojom sa reakʼ mẽtʼ hoṭor todtape hoyokʼa. Arpe onkaete sanam Israel jạtrenkoń bemanotkoa.”

Nehemiạ 2:13

Enhilokʼ ńindạ iń do oḍokkate buru nala duạrte toyo- kuń ar ona tayom do jobra duạrteń oḍok calaoena ar Jerusalem reakʼ rạputʼ pạcri ar seṅgelte ḍahao akan duạrko reakʼ dosakoń ńelkeda.

Nehemiạ 2:16

Iń do okateń senlena ar cetʼ iń cekakeda ona do cetan hudạren kạmiyạko bako baḍae daṛeada, ente iń do unrehõ disạmren Jihudiko ar naekeko ar lekman hoṛko se maraṅ hudạren hoṛko se kạmiyạko hõ cetʼge bạń baḍae ocoakatʼko tahẽkana.

Nehemiạ 3:15

Mispa jilạren subedar Kolhosren hopon Salum do dakʼ jharna duạre jut arokeda. Uni do onare chade benaoada ar ona reakʼ silpiń, khil ar huṛkạṛkoe lagaoada. Rajakʼ bagwan aṛere Sela pukhri reakʼ pạcri khon ehopʼkate Dạudakʼ nagraha khon okaṭakʼ siṛhi do latarte pheḍ hecʼ akan tahẽkan ona hạbicʼe jut arokeda.

Esra 9:9

Ale do golamko kanrehõle golam tahen oktere aleren Isor do bae bạgi giḍi akatʼlea. Paras raj samaṅre uni do pạtiạre beohar akada. Uni do aleye udgạuketʼlea jemon aleren Isorakʼ oṛakʼle benao aroe ar rạputʼ akan jaegako hõle jut ruạṛ. Uni do Jihudạ ar Jerusalemre nirạite tahen reakʼe bebosta akatʼlea.

Sereńko 44:14

Judạ judạ jạtrenko ṭhen aleakʼ ńutum do kạhtukgem hoyocoakada; ar hoṛko do ale ńelte bohokʼko rukuyetʼtakoa.

Sereńko 102:15

Unre Probhu Isorakʼ ńutum ańjomkate eṭakʼ jạtrenko do botor hecʼakoa; ar amakʼ ṭhonok ńelte dhạrtiren sanam rajko hõ botor caṛhaoakoa.

Mikạ 7:11

E Jerusalem, unre amakʼ bhit do benao arokʼtama, ar amakʼ simạnako do baṛhao ocokʼa.