Nehemiạ 2:10 - সান্তালী বাইবেল

¹⁰ Israelkoakʼ bhạlại lạgitʼ mitʼṭen hoṛe hecʼakan reakʼ katha ańjomkate Horoni Sanbalat ar Amoni kạmiyạicʼ Tobiạ tekin do bạkin kusilena.

Nehemiạ 2:10 Referans Kwoze

Nehemiạ 4:7

Menkhan Sanbalat, Tobiạ, Arabiạko, Amoniạko ar Asdadren hoṛko do tinreko ańjomkeda je, Jerusalem pạcri jut aroe reakʼ kạmi calakʼ kana mente ar paṛakʼko hõ esedokʼ kana unre onko do ạḍiko edreyena.

Nehemiạ 2:19

Menkhan Horoni Sanbalat, Amoni Tobiạ ar Arabi Gesem teko do niạ katha ańjomkateko landa dhutʼatʼlea. Onkoko menkeda, “Ape do cetʼ pe ceka kana? Ape do cetʼ raj upạrtepe hula?”

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Nehemiạ 13:4

Inạ lahare naeke Eliasib, okoe do aboren Isorakʼ khajańci oṛakʼ reakʼ bhare ńamletʼ tahẽkan, uni do mitʼṭecʼ maraṅ okocʼ kandha Tobiại emade tahẽkana, ente Tobiạ do uniren peṛaye tahẽkana. Ona kandhare lahate do phosol samaṅokʼakʼ jinisko, dhup ar mundil oṛakʼ reakʼ jinisko dohokʼkan tahẽkana. Ona chaḍa onḍe do liwiko, sekʼreń dolko ar rurukhiyạko lạgitʼ hukum akatʼ anajko, nãwã darkha rasa ar sunumko reakʼ gelakʼ hĩs reakʼ mitʼ hĩsko dohoyetʼkan tahẽkana ar naekeko lạgitʼ oka emokʼ kan tahẽkan ona hõ onḍegeko dohoyetʼ tahẽkana.

Nehemiạ 6:1

Tayomte Sanbalat, Tobiạ, Arabiạ, Gesam ar aleren sarecʼ bạirikoko ańjom ńamkeda je, iń do arhõ pạcriyiń gathao akada ar ona pạcri talare jãhãn phãkge bạnukʼa. Ar unhạbicʼ hõ phaṭok duạrkore silpiń bạń lagao akatʼ tahẽkana.

Aposkạmi 5:24

Noa katha ańjomkate mundilren maraṅ kạmiạyicʼ ar maraṅ naekeko doko andesaleyena ar cetʼ coṅ hoyokʼa nahakʼ mente hudisokʼko ehopʼena.

Aposkạmi 4:2

Onko do ạḍiko edre akan tahẽkana, ente Patras ar Johan do hoṛkokin cetʼakokan tahẽkana ar Jisu hotete gocʼko arhõ jiwetʼ beredokʼ reaṅ kin porcaretʼ tahẽkana.

Jirimiạ 48:34

“Onkoakʼ rakʼjoṅ reakʼ aṛaṅ do Hesbon khon Elial ar Jahas hạbicʼ ańjomokʼ kana, Soar khon Horonayim ar Eglath Selisiạ hạbicʼ rakapʼ akana, ente Nimrim reakʼ dakʼ hõ ańjetʼ akana.

Jirimiạ 48:5

Luhit rakapʼ calakʼ horre hoṛko do rakʼ rakʼteko rakapʼ calakʼa; ar Horonaim secʼ okaṭakʼ hor pheḍ sen akan onḍe do dhaṅdhaser iạte guher ańjomokʼa.

Jesaea 15:5

Moab lạgitʼ ińakʼ ontor doe rakʼeda; uniren hoṛko do Soar secʼ Eglath-selesia hạbicʼko dạṛetʼ kana. Onko do rakʼ rakʼte Luhit buru reakʼ horteko rakapʼ calakʼkana; onkoakʼ ṭhạ̃i do dhaṅdhaser akantakote rakʼ homorate Horonạiyim reakʼ horteko calakʼ kana.

Sosolhayic̕ 10:7

Iń do golamko sadom cetanre ar cetan hudạren hoṛko do golam leka taṛamate calakʼ iń ńel akatʼkoa.

Kạhtukko 30:22

Mitʼṭen golam iạte uniye raj lenre, ar mitʼṭen bebuj iạte jomakʼte uniye bilenre,

Sereńko 112:10

Bedhorom hoṛ do ona ńelteye ạṛisokʼa; uni do ḍaṭae togoja are cabakʼa. Bedhoromkoakʼ as do nasaokʼtakoa.

Nehemiạ 13:1

Hoṛko do Moseyakʼ puthi khon paṛhao ańjomatʼko khan ńelena, onḍe do nonka ol menakʼa Amonren ar Moabrenko do Isorren hoṛkoakʼ somajre bako seletʼ daṛeakʼa.

Nehemiạ 6:16

Aleren sanam bạiriko niạ katha tinreko ańjomkeda ar aḍepaseren sanam jạtrenko onako ńelkeda unre aleren bạiriko do dilko atʼketʼtakoa, ente onkoko bujhạu daṛeada, niạ kạmi do aleren Isorakʼ goṛotege hoyakana.

Nehemiạ 13:28

Maraṅ naeke Eliasibren hopon Jehoyadaren mitʼṭen hopon do Horoni hoṛ Sanbalatren kuṛiye bapla akadea. Ona iạte iń ṭhen khon uni koṛa doń laga ńirkedea.

Ester 10:3

Ahasberos raj tayom do Mordekaige dosaricʼe tahẽkana. Uniren sanam jạt-boehako do uniko manotkedea arko bạsutae kan tahẽkana, ente uni do acʼren hoṛko lạgitʼ bhạlạiyakʼgeye kạmiyetʼ tahẽkana ar sanam Jihudiko rukhiyạko reakʼgeye kurumuṭuyetʼ tahẽkana.

Jirimiạ 41:10

Ismael do Misparen sarecʼ sanam hoṛkoe bondiketʼkoa. Onko modre rajren hoponera hõko tahẽkana ar onḍeko doho oṭolen eṭakʼ sanam hoṛ hõko tahẽkana. Rajren rurukhiyạ dolren subedar Nebusaradan do noko hoṛko cetanre Gedaliại doholedea. Ismael do onkoe bondi idiketʼkote Amonrenko ṭhen parom calakʼ lạgitʼe mohnḍayena.