Nehemiạ 13:26 - সান্তালী বাইবেল

²⁶ Ona tayom iń do onkoń metatʼkoa, “Israelren raj Solomon do nonkan bapla iạtegeye kạileda. Eṭakʼ jãhãn jạtrenko modre uni lekan raj do ar celege bako tahẽkana ar Isor do uniye dulạṛede tahẽkana ar uni do sanam Israelko cetanreye rajledea, menkhan enhõ uni do porjạtren maejiuko hotete ạḍiye kạileda.

Nehemiạ 13:26 Referans Kwoze

1 Rapajko 3:13

Ona chaḍa am oka bam koeyakatʼ ona hõń emam kana. Iń do nonkan dhon-durib ar manotiń emama one am lahaten cele rajakʼge baṅ tahẽkan ar am tayom hõ baṅ tahentakoa.”

Sosolhayic̕ 7:26

Ińiń ńelkeda, gujukʼ khon hõ uni maejiu doe haṛhatʼgea, uniyakʼ mon do mitʼṭecʼ jhampa ar jhạli leka ar uniyakʼ tikin do sikṛige. Ar okoe hoṛ Isore kusi ocoye uni do uniyakʼ ti khon apnartetʼe rukhiyạkʼa, menkhan kại hoṛ do jhạlireye paṛaokʼa.

2 Bõsbudạ 1:12

Ona iạte am do bud ar ạkilem em ocoyena. Ona chaḍa iń do nonkan dhon-durib ar manotiń emama one am lahaten cele rajakʼge baṅ tahẽkan ar am tayom hõ baṅ tahentakoa.”

2 Bõsbudạ 9:22

Solomon raj do dhạrtiren eṭakʼ sanam rajko khon ạkilanicʼ ar kisạ̃ṛe tahẽkana.

Kạhtukko 31:3

Ạimạikore amakʼ daṛe do alom cabaetama; amakʼ dhon hõ alo onko do rapajkoko maraokoa.

1 Rapajko 3:12

Onate am okaṭakʼem khojakatʼ onageń emama. Iń do amakʼ ontorre nonkan ạkil ar bud bicạr reakʼ daṛeń emama ńelme noa lahare nonka do celege bako tahẽkana ar tayomte hõ onka do ar bako hoyokʼa.

1 Rapajko 4:1

Solomon raj do goṭa Israelko cetanre rajokʼe ehopʼena.

1 Rapajko 21:25

Bạhuttetʼakʼ uskurte Probhu Isorakʼ mẽtre okaṭakʼ bạṛicʼakʼ kan onage kạmi lạgitʼ Ahab doe ạkhriń ocoakan tahẽkana. Uni leka ar okoehõ nonka do bako kạmiakada.