Nehemiạ 13:25 - সান্তালী বাইবেল

²⁵ Iń do onkoń ruhetʼketʼkoa ar onko cetanre jemon sarap hecʼako ona hõń metatʼkoa. Onkoren adomko doń dalketʼkoa ar bohokʼ upʼkoń racakʼ tutʼketʼtakoa. Isor ńutumte noań kiriạ ocoketʼkoa jemon porjạtren koṛako sãote akoren hoponerako aloko baplako ar akoren hoponko hõ jemon porjạtren kuṛiko tulucʼ aloko baplako.

Nehemiạ 13:25 Referans Kwoze

Nehemiạ 13:17

Unre iń do Jihudạren manotan hoṛkoń ruhetʼketʼkote onkoń metatʼkoa, “Noa do cetʼpe ceka kana? Ape do jirạukʼ mãhãre behokakʼpe kạmiyetʼte cedakʼpe besonotetʼ kana.

Esra 10:5

Unre Esra doe beretʼena ar ona katha leka kạmi lạgitʼte maraṅ naekeko, Liwiko ar onḍe jarwa akan Israelkoe kiriạ ocoketʼkoa. Ar onko do sanamkogeko kiriạyena.

Dosar Biboron 7:3

Onko sãote baplakʼ reakʼ hõ alope bondobosa. Aperen kuṛiko hõ onkoren hoponko alope emakoa ar onkoren kuṛiko hõ aperen hoponko lạgitʼ alope ạgukoa,

Nehemiạ 13:11

Onate iń do cetan hudạren kạmiyạkoń ruhetʼketʼkoteń kuliketʼkoa, “Isorakʼ oṛakʼre kạmi lạgitʼ cetʼ cetʼko jạruṛokʼ ona emokʼ do cedakʼpe ḍhilisiliyeda?” Ona tayom iń do onko liwikoń hoho ạguketʼkoa ar nij nij hudạreń bahal ruạṛketʼkoa.

Jesaea 50:6

Okoeko daleńkan onko ṭhen ińakʼ dea doń alae akatʼtińạ ar okoe ińakʼ gocoko racakʼ topakʼ akatʼtiń onko do ińakʼ johageń samaṅ akatʼkoa. Ar tinre ińko opoman arko thoạńkan tahẽkana unre ińakʼ mẽtʼãhã do bạń betʼ esetʼletʼtińạ.

Kạhtukko 28:4

Okoe Probhu Isorakʼ ạnko bạgi giḍiyakʼkan onko do bạṛicʼ hoṛko sarhaokoa, menkhan okoe onako manaoetʼkan onko do bạṛicʼko upạrteko teṅgona.

Sereńko 15:4

Uni do hirkhạ ocokʼkan hoṛko khone pharakokʼa, ar Probhu Isor botoraekan hoṛkoe manotkoa, ar jãhãnakʼ loksan hoylentaere hõ gokʼakʼe purạugea,

Nehemiạ 5:13

Iń do ińakʼ samaṅ secʼ koṭaketʼteń menkeda, “Okoe noa gokʼakʼ bae rukhiyại Isor do onko mimitʼko onkoakʼ oṛakʼ-duạr ar sompotti khon nonkageye koṭa giḍikakoa. Nonkan hoṛko do nonkageko koṭa giḍi ocokʼa ar onkoakʼ do sanamakʼ cabakʼ takoa.” Niạ katha ańjomkate sanam hoṛko menkeda, “Amen,” ar onko do Probhu Isorko sarhaokedea. Manotan hoṛko do akoakʼ gokʼakʼ lekageko kạmikeda.

Esra 7:26

Okoe aperen Isorakʼ ạn-ạri se rajakʼ hukum bako manao onko do ṭhik lekape sạjạikoa. Ona sạjại do hoedaṛeakʼ khan gujukʼ hoyokʼtaea se disạm khone laga oḍok ocokʼa se sompottiye behat ocokʼa se hajot khanareye bhorao ocokʼa.

Dosar Biboron 6:13

“Ape do aperen Probhu Isorpe ḍobokʼaea, ar eken uni eskargepe sewawaea ar uni ńutumtegepe kiriạkʼa.

Exodus 34:16

Ona chaḍa onkoren kuṛiko sãote tinre aperen hoponkope baplakoa unre onkoren kuṛiko do akoren boṅgako otoṅ ocokoa arko laṭghaṭa ar aperen hoponko hõ onareko bulạukʼa.

Josuạ 23:12

“Menkhan onko jạtrenko modre okoe do jiwetʼ menakʼko ar ape talareko tahenkan ar aperen Probhu Isor bạgikate onko sãotepe gatekʼ se onko sãotepe baplakʼ, se onko tulucʼpe helmelpe dohoy,

2 Rapajko 2:24

Elisae do onko secʼ ạcurenteye beṅgetʼatʼkoa ar Probhu Isor ńutumteye sarapatʼkoa. Unre bir khon barea banakin oḍok hecʼente onko modren pongel bar goṭen koṛa kin khanḍa khunḍiketʼkoa.

Nehemiạ 13:24

Onko talaren ḍher gidrạkoge Asdod se eṭakʼ jạtrenkoakʼ pạrsiko roṛeda. Onko do Jihudi pạrsite roroṛ do bako baḍaea.

Sereńko 119:53

Bạṛicʼ hoṛkoakʼ bạṛicʼtetʼ ńelte ạḍitetʼ iń raṅgaokʼ kana, onko do amakʼ hukumko bạgi akada.

Nehemiạ 5:6

Onkoakʼ gulmal ar niạ lạlisko ańjomkate iń do ạḍiń raṅgaoena.