Nehemiạ 13:19 - সান্তালী বাইবেল

¹⁹ Iń do niạ hukumiń emokʼ kana je, jirạukʼmãhã ehobokʼre tinre Jerusalem reakʼ phaṭok duạrko cetanre ńut pheḍ hijukʼa unre jemon phaṭok duạr doko sińkakʼ ar jirạukʼ mãhã ạuri cabakʼ hạbicʼ ona do bondge tahenma. Jirạukʼ mãhãre jãhãn bojhage bhitrite alo jemon ạgukʼ ar ona ńel lạgitʼ iń do ińren adom kạmiyạko phaṭok duạr ṭheniń bahalketʼkoa.

Nehemiạ 13:19 Referans Kwoze

Levitikus 23:32

Enhilokʼ do ape lạgitʼ mitʼṭecʼ jirạukʼ din. Enhilokʼ do jiwipe nindhạntapea. Ona cando reakʼ areakʼ din ạyupʼ khon dosar hilokʼ ạyupʼ hạbicʼ ape do noa jirạukʼ dinpe manaoa.”

Nehemiạ 7:3

Iń do unkin iń metatʼkinạ, “Setoṅ ạuri sạrdikʼ hạbicʼ Jerusalem reakʼ silpińko jemon alo jhijokʼ. Rurukhiyạko calakʼ lahare jemon duạrko sińkakʼ ar huṛkạṛko lagaokakʼ. Jerusalemren hoṛko mod khon jemon pahradarko bahal ocokʼ. Onkoren adomko do pahara jaegare ar adomko do apan ạpin oṛakʼ sorreko tahenma.”

Levitikus 23:22

“Apeakʼ jumi reakʼ phosolpe ir jokhecʼ aṛe reakʼ phosol do alope ira ar ńur akan gele hõ alope halaṅa. Onako do reṅgecʼ-orecʼko ar disạmreko girobasokʼkan eṭakʼ jạtren hoṛko lạgitʼ bạgi oṭowakʼ hoyokʼtapea. Ar ińkangeạń Probhu aperen Isor do.”

Johan 5:10

Onate Jihudi mukhiyạko do uni hoṛko metadea, “Teheń do jirạukʼ mãhã kana; ar dhorom reakʼ niạm lekate aṭetʼakʼ kuṭuṅ baṛae do lek baṅkana.”

Nehemiạ 13:20

Onate bepariko ar okoe do joto lekan jinisko ạkhrińetʼ tahẽkan onko do mitʼ bar ńindạ Jerusalem bahrereko aṅga hạṭińena.