Nehemiạ 13:12 - সান্তালী বাইবেল

¹² Ona tayom Jihudạren sanam hoṛko do akoakʼ anajko, nãwã darkha rasa ar sunumko reakʼ gelakʼ hĩs reakʼ mitʼ hĩs do khajańci oṛakʼteko ạgukeda.

Nehemiạ 13:12 Referans Kwoze

Malaki 3:10

Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea.

Nehemiạ 12:44

Khajańci oṛakʼre okako danko ạguiyetʼ tahẽkan ar pạhil rakabokʼ phosolko ar gel hĩsko ạguiyetʼ tahẽkan ona ńel todarot lạgitʼ unre hoṛkoko bahalketʼkoa. Onko do ato beṛhaeteakʼ khet baṛgeko khon ạn lekate naeke ar liwiko lạgitʼ hoṛko ṭhen khon phosol reakʼ hĩsko ạguiyetʼ tahẽkana. Unre Jihudạren hoṛ do kusiteko emokʼkan tahẽkana, ente sekʼwakan naeke ar liwikoakʼ kạmi iạte onko doko kusikʼ kan tahẽkana.

Dosar Biboron 14:22

“Jao bochor apeakʼ jumire okako phosol hoyokʼ ona reakʼ gel hạṭiń reakʼ mitʼ hạṭiń dope begar dohokakʼa.

Levitikus 27:30

“Jumi khon oka ńamokʼ ona reakʼ gel hĩs reakʼ mitʼ hĩs do Probhu Isorakʼ kana- ona do jumi reakʼ phosolge cetʼ ar dare reakʼ joge cetʼ. Ona do Probhu Isor ńutumte begar dohokakʼ hoyokʼa.

2 Bõsbudạ 31:5

Niạ hukum oḍokokʼ são sãote Israelko do akoakʼ phosolko, nãwã darkha rasa, sunumko ar dumur rasa reakʼ pạhil hĩs ar khetre jãhãnakʼge hoyokʼ ona reakʼ pạhil hĩs onko do ạḍi ḍherko dankeda. Ona chaḍa onko do jotowakʼ reakʼ gel hạṭiń reakʼ mitʼ hạṭińko emena ar ona do ạḍi utạr hoyena.

Malaki 3:8

Manwa do cetʼ Isore ṭhoka daṛekea? Menkhan ape do ińgepe ṭhoka edińkana. Enhõpe meneda, ‘ale do cekatele ṭhokayetʼmea?’ Gelakʼ hĩs ar dan babotre ape do ińpe ṭhokayediń kana.

2 Bõsbudạ 31:4

Naeke ar Liwiko jemon Probhu Isorakʼ ạn-ạri manao babotre apnartetʼ purạte jamaṛ akanko tahẽdaṛeakʼ onate onkoakʼ paona hĩs emkatako lạgitʼ uni do Jerusalemre girobasokʼ kan hoṛkoe hukumatʼkoa.