Nehemiạ 12:8 - সান্তালী বাইবেল

⁸ Liwiko modre Josuại, Binui, Kadmiyel, Serebiạ, Jihudạ ar Matania. Nui Mataniạ ar uni bõsrenko cetanrege gun manao sereńko ńel todarot reakʼ bhar do tahẽkana.

Nehemiạ 12:8 Referans Kwoze

Nehemiạ 11:17

Ona chaḍa Mikạren hopon Mataniạ, okoe do gunmanao johar ar sarhao sereń ạyurkoren sordare tahẽkana. Mikạren hapṛam dokin tahẽkana Sabdi ar Asapha. Nukin sãote Bakbukiại tahẽkana okoe do são kạmiyạko modren dosaricʼe tahẽkan. Somuyiren hopon Abda hõe tahẽkana; Samuyiren hapṛam dokin tahẽkana Galal ar Jeduthun.

Nehemiạ 12:24

Liwikoren mukhiyạ Hasabia, Serebia, Kadmiyelren hopon Josua ar onkoren bõsren hoṛko do Isorren hoṛ Dạudakʼ katha lekage eṭakʼ dolren samna sạmni teṅgokate Isor sarhao arko gun manao joharae kan tahẽkana.

Nehemiạ 11:22

Jerusalemre Liwikoren sordar do Baniren hopon Usiye tahẽkana. Baniren hapṛamko doko tahẽkana Hasabia, Matani, Mikạ ar Asaph. Asaph bõsren hoṛko do gaenahako lekate Isorakʼ oṛakʼre sapʼdapʼ kạmiko kạmikan tahẽkana.

Nehemiạ 9:4

Jesua, Bani, Kadmiyel, sebania, Buni, Serebia, Bani ar Kenani ńutuman Liwiko do macanre teṅgokate ãṭ aṛaṅte Probhu Isorko hohoadea.

Nehemiạ 7:48

Lebana, Hagab ar Salmai bõsrenko;

1 Bõsbudạ 9:33

Liwi gusṭiren bõs mukhiyạko okoe do sereń durạṅreko tahẽkan onko do koejoṅ oṛakʼ reakʼ kandhareko tahẽnkan tahẽkana. Onko do sereń durạṅre siń nindạ bestoko tahenkan tahẽkante onko cetanre eṭakʼ jãhãn kạmi reakʼ bhar do baṅ tahẽkana.

Esra 3:2

Ar ona tayom Josadakren hopon Jesua ar uni sãoten naekeko ar Solṭielren hopon Serubabel ar uni sãoten hoṛko do jeredokʼ samaṅokʼakʼ porobokʼ lạgitʼ Isorren hoṛ Moseyakʼ ạn-ạrire olakʼ lekate Israelren Isorakʼ pinḍko benaokeda.

Nehemiạ 12:7

Salu, Amok, Hilkiạ ar Jedaya. Noko do Jesua oktere naeke ar onko bõsren mathako tahẽkana.

Nehemiạ 12:9

Ar Bakbukia ar Uno do dewa sewa kạmi oktere onko samna sạmni kin teṅgokʼkan tahẽkana.

Esra 2:40

Liwikoakʼ lekha do nonka: Jesua ar Kadmiyel bõsren Hodawi bõsren do eaegel pon hoṛ;

Nehemiạ 7:43

Liwikoakʼ lekha do nonka: Jesua bõsren Kadmiyel ar Hodawi bõsren eaegel pon hoṛ;