Nehemiạ 12:7 - সান্তালী বাইবেল

⁷ Salu, Amok, Hilkiạ ar Jedaya. Noko do Jesua oktere naeke ar onko bõsren mathako tahẽkana.

Nehemiạ 12:7 Referans Kwoze

Sakariạ 3:1

Ona tayom uni serma goḍet do maraṅ naeke Josuạ samaṅre teṅgo akaniń ńelkedea ar dusiye lạgitʼ Soetan do uniyakʼ jojomsa aṛereye teṅgo akana.

Hagae 1:1

Darjawes rajakʼ rajokʼ dosar bochorre Sealṭielren hopon Serubabel do Jihudạren disạm cakʼlaoicʼe tahẽkana ar Jehosadokren hopon Josuạ do maraṅ naekeye tahẽkana. Ar inạ bochorge turui cando reakʼ pạhilakʼ dinre Probhu Isor do Hagae nạbi hotete onkoe metatʼkoa,

Nehemiạ 12:1

Okoeko naeke ar liwiko do Sealṭiyelren hopon Serubabel ar Jesua sãote bondi dosa khonko ruạṛ hecʼlen onko doko hoyokʼkana: Naekeko modre Seraya, Jeremiạ, Esra,

Esra 3:2

Ar ona tayom Josadakren hopon Jesua ar uni sãoten naekeko ar Solṭielren hopon Serubabel ar uni sãoten hoṛko do jeredokʼ samaṅokʼakʼ porobokʼ lạgitʼ Isorren hoṛ Moseyakʼ ạn-ạrire olakʼ lekate Israelren Isorakʼ pinḍko benaokeda.

1 Bõsbudạ 24:18

bargel pe dhaore do Dolayakʼ ar bargel ponakʼ dhaore do Maseyakʼ ńutum rakapʼena.

2 Rapajko 18:18

Onko do rajko hohoade khan raj oṛakʼren mukhiyạ do Hilkiạren hopon Eliakim, rajren olokʼicʼ Sibna ar Itihãs olokʼicʼ Asaphren hopon Joa noko pene hoṛ do oḍok hecʼente onko ṭhenko senena.

Nehemiạ 12:8

Liwiko modre Josuại, Binui, Kadmiyel, Serebiạ, Jihudạ ar Matania. Nui Mataniạ ar uni bõsrenko cetanrege gun manao sereńko ńel todarot reakʼ bhar do tahẽkana.