Nehemiạ 12:47 - সান্তালী বাইবেল

⁴⁷ Serubabel ar Nehemiạ oktere hõ Israelko do jotoge gaenaha ar rurukhiyạkoakʼ dinạm hilokʼ reakʼ kuṛạiko emkatako kan tahẽkana. Ona chaḍa onko do eṭakʼ liwikoakʼ kuṛại hõ begarkateko dohokakʼ kan tahẽkana ar liwiko hõ Aron bõsrenkoakʼ paona lạgitʼko begar dohokakʼ kan tahẽkana.

Nehemiạ 12:47 Referans Kwoze

Galathiko lạgitʼ Pạul Apostolakʼ ciṭhi 6:6

Okoe Isorakʼ kathae cetʼ ocokʼkan uni do acʼren cecetʼicʼ do acʼakʼ sanam bhageakʼ reakʼe hạṭińae ma.

Nehemiạ 12:26

Josuạren hopon, metakʼme Josabadren goṛomtetʼ koṛa Joyakim ar disạm cakʼlaoyicʼ Nehemiạ ar naeke ar dhorom guru Esra oktere noko doko horhoyetʼ tahẽkana.

Nehemiạ 12:12

Joyakim oktere naeke bõsko modre okoeko mathako tahẽkan onko doko hoyokʼkana: Serayaren hopon Meraya, Jirimiạren hopon Hanaiạ,

Nehemiạ 12:1

Okoeko naeke ar liwiko do Sealṭiyelren hopon Serubabel ar Jesua sãote bondi dosa khonko ruạṛ hecʼlen onko doko hoyokʼkana: Naekeko modre Seraya, Jeremiạ, Esra,

Nehemiạ 11:23

Noko sekʼreń dolrenko do rajakʼ hukum tabereko tahẽkana. Ar ona hukum lekage onkoakʼ dinạm hilokʼ reakʼ kạmiko ṭhik dohoyetʼ tahẽkana.

2 Rapajko 7:10

Onate onko do senkate nagraha reakʼ phaṭok duạrren pahradarko metatʼkoa, “Ale do Aramrenkoakʼ ḍeratele senlena. Onḍe do mitʼṭecʼ hoṛ hõ bạnukʼkoa, cetʼ sabadge bạnukʼa; eken sadomko ar gadhako tol akan menakʼkoa ar tạmbuko do cetʼleka tahẽkan onkage bạgikate onko doko calao akana.”

2 Rapajko 25:30

Ar tinạkʼ din jiwetʼe tahẽkan unạkʼ din raj do din hilokʼ mitʼṭecʼ bhata lekae emaekan tahẽkana.

Dosar Biboron 18:8

Acʼren apate doho oṭoakatʼ jiniskoe ạkhriń akatʼrehõ onḍenko Liwiko sãote uni do hạṭińre soman ạidạriye hoyokʼa.

Esra 2:2

Noko hoṛko do Serubabel, Jesua, Nehemiạ, Seraya, Reyelaya, Mordekae, Bilsan, Mispar, Bigwai, Rehum, ar Bakʼana sãoteko ruạṛ hecʼlena. Ar okoe Israel herel hoponko ruạṛ hecʼlen onkoakʼ lekha do nonka leka tahẽkana: