Nehemiạ 12:30 - সান্তালী বাইবেল

³⁰ Naeke ar Liwiko do apnartetʼko saphayena ar hoṛko hõko saphaketʼkoa; ar ona tayom do pạcri ar phaṭok duạrko saphakeda.

Nehemiạ 12:30 Referans Kwoze

Jobakʼ 1:5

Onkoakʼ bhoj reakʼ dinko sạtlen khan Job do onko hoho ạgukateye sonotetʼko tahẽkana. Uni do setakʼre onko lạgitʼ mimitʼ goṭenkate jeredokʼ samaṅokʼakʼ porobe hoeocoyetʼ tahẽkana. Uni doe hudisetʼ tahẽkana, “Ińren hopon ar hoponerako do pasecʼko kại akada ar mone monete Isorko henosta akadea.” Job do nonka jaogeye kạmikan tahẽkana.

Esra 6:21

Bondi dosa khon ruạṛ hecʼ akan Israelko ar disạmre girobasokʼ kan Israelko okoe do Israelren Probhu Isorakʼ sana leka calakʼa mente aḍepase be-Jihudiko khon apnartetʼko begar doholen onko sanamkoge mitʼ sãote ona jelko jomkeda.

2 Bõsbudạ 29:5

“E Liwiko, ińakʼ katha ańjompe; ape do apnarren ar aperen hapṛamkoren Probhu Isorakʼ oṛakʼ saphaepe. Niạ sonot jaega khon sanam besapha jinisko sạṅgiń giḍikakʼpe.

Exodus 19:10

Probhu Isor do Mose arhõe metadea, “Teheń ar gapa niạ bar din do hoṛko ṭhen senkate onkom saphakoa. Onko do jemon akoakʼ kicricʼ hõko saphaetako ar tesar hilokʼ lạgitʼ sapṛao akanko tahen, ente tesar hilokʼ iń Probhu Isor do sanam hoṛko samaṅre sinại burureń pheḍ hijukʼa.

Ibriko 5:3

Uni do cetʼleka eṭakʼ hoṛkoakʼ kại lạgitʼ janware dãṛẽyedekan onkage acʼ apnartetʼ hõe nijorgete apnar lạgitʼ hõ ona dãṛẽ samaṅ hoyokʼtaea.

Ibriko 5:1

Hoṛko secʼ khon Isorakʼ dewa sewae lạgitʼ mimitʼ maraṅ naekeko do manwako tala khon bachaokateye bahalokʼ kana, jemon manwakoakʼ kại iạte janware dãṛẽye ar eṭakʼ danko hõe samaṅ daṛeakʼ.

Nehemiạ 13:30

Nonkate iń do sanamko tala khon porjạtrenkoakʼ jotowakʼ iń sạṅgiń giḍikada. Tayomte naeke ar liwikoakʼ kạmi lekate onko mimitʼko do kạmiń hạṭińatʼkoa.

Nehemiạ 13:22

Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

2 Bõsbudạ 29:34

Naekekoakʼ lekha thoṛage tahẽkante onko do jeredokʼ samaṅokʼakʼren sanam janwarkoakʼ harta do bako ur daṛeada; onate kạmi ạuriko sạt hạbicʼ ar eṭakʼ naekeko ạuriko saphakʼ hạbicʼ onkoren Liwi boehako do onkoko goṛowatʼkoa, ente apnar saphakʼ babotre naekeko khon Liwikoge bạ̃ṛtiko moneyakʼkan tahẽkana

Exodus 19:15

Ona tayom Mose do onkoe metatʼkoa, “Tesar hilokʼ lạgitʼ sapṛaokʼpe. Ar niạ oktre okoe hõ aperen bạhu tulucʼ do alope giticʼmidokʼa.”

Genesis 35:2

Unre Jakob do acʼren hoṛko ar sãoten eṭakʼ hoṛkoe metatʼkoa, “Ape ṭhen tinạkʼ boṅga murhutʼko menakʼko onko joto do giḍikakope ar apnar baṛe saphakʼpe ar apeakʼ kicricʼko bodoltape.

1 Bõsbudạ 15:14

Onate naekeko ar Liwiko do Isor ńutumte apnarko begarena jemon onko do Israelkoren Probhu Isorakʼ sindukko ạgu daṛeakʼ.