Nehemiạ 11:17 - সান্তালী বাইবেল

¹⁷ Ona chaḍa Mikạren hopon Mataniạ, okoe do gunmanao johar ar sarhao sereń ạyurkoren sordare tahẽkana. Mikạren hapṛam dokin tahẽkana Sabdi ar Asapha. Nukin sãote Bakbukiại tahẽkana okoe do são kạmiyạko modren dosaricʼe tahẽkan. Somuyiren hopon Abda hõe tahẽkana; Samuyiren hapṛam dokin tahẽkana Galal ar Jeduthun.

Nehemiạ 11:17 Referans Kwoze

1 Bõsbudạ 9:15

Bokbokor, Heros, Galol ar Mikhar hopon Mottoniạ. Mottoniạren hapṛamko modre do Sikhri ar Ashaphkin tahẽkana.

Philipiko lạgitʼ Pạul apostolakʼ ciṭhi 4:6

Ar jãhãnakʼ reakʼge alope dandokʼa, bickom apeakʼ joto arojakʼko do koejoṅ ar nehõrate gunmanao johar salakʼ Isor baḍae ocoyepe.

Nehemiạ 12:31

Ona tayom iń do Jihudạ mukhiyạko ona pạcri cetanreń idiketʼkoa ar gun manao johar lạgitʼ barea maraṅ sereń dolkoń bahalketʼkoa. Mitʼ dolrenko do pạcri cetante jojomsa aṛe jobra phaṭok duạr secʼ gente getecʼko sen idiyena.

Nehemiạ 12:25

Matania, Bukbukia, Obadia, Mesulam, Talmon ar Akub do rurukhiyạkoko tahẽkana. Noko do phaṭok sor reakʼ khajańci oṛakʼko horhoyetʼ tahẽkana.

Nehemiạ 10:12

Sakur, Serebiạ, Sebania,

1 Bõsbudạ 16:41

Onko sãote Hemon ar Jiduthon ar sarecʼ hoṛko tahẽkana, ar okoekoakʼ ńutum roṛ rakapʼkate bachao hoylena jemon onko do Probhu Isorakʼ jaejug hạbicʼ daya lạgitʼ uniko sarhao daṛeae.

1 Bõsbudạ 16:4

Probhu Isorakʼ sinduk samaṅre dewasewa kạmi lạgitʼ Dạud do adom Liwikoe bahalketʼkoa jemon onko doko koejoṅ arko gunmanao johar daṛeakʼ ar Israelkoren Probhu Isorakʼ ńutumko sarhao daṛeakʼ.

2 Samuel 9:12

Mika ńutuman Mephibosetren mitʼṭen huḍiń koṛa gidrại tahẽkana; ar Sibakʼ gharońjren sanamkoge Mephibosetren gutiko tahẽkana.

Nehemiạ 11:16

Ona chaḍa do Sabethai ar Josabad ńutuman Liwiko modre bar hoṛ do mathakin tahẽkana, unkin cetanre do Isorakʼ oṛakʼ reakʼ bahre secʼakʼ kạmi ńeltodarot reakʼ bhar tahẽkana.

Nehemiạ 11:18

Sonot nagrahare Liwiko do jotote barsae irạlgel pon hoṛko tahẽkana.

Nehemiạ 12:24

Liwikoren mukhiyạ Hasabia, Serebia, Kadmiyelren hopon Josua ar onkoren bõsren hoṛko do Isorren hoṛ Dạudakʼ katha lekage eṭakʼ dolren samna sạmni teṅgokate Isor sarhao arko gun manao joharae kan tahẽkana.

Nehemiạ 12:46

Ḍher bochor lahare Dạud ar Asaphakʼ oktere Isor ńutumte sarhao ar gun manao johar reakʼ sereń lạgitʼ sekʼreń dolko ar sereń dol ạyurkoko bahal ocolena.