Nehemiạ 10:32 - সান্তালী বাইবেল

³² Aleren Isorakʼ oṛakʼre sapʼsor kạmi lạgitʼ jao bochor mitʼ sekel reakʼ pe hạṭiń reakʼ mitʼ hạṭiń emokʼ reakʼ dạyikle ataṅkeda.

Nehemiạ 10:32 Referans Kwoze

Genesis 28:22

Ar noa dhiri oka do cinhạ khunṭi lekań teṅgoketʼ nonḍege Isorakʼ oṛakʼ do hoyokʼa. E Isor, jãhãnakʼgem imạń ona reakʼ gel hĩs reakʼ mitʼ hĩs do amiń emama.”

2 Korinthiko 8:12

Jãhãe emokʼ reakʼ monejoṅakʼ tahentae khan enḍekhan uni oka menakʼtae ona lekage Isor do uniyakʼ dane ataṅtaea, ar oka bạnukʼtae ona do Isor hõ bae khojkana.

Kạhtukko 3:9

Am do amakʼ dhon duribko reakʼ ar amakʼ phosolko reakʼ pạhilakʼ hĩsko Probhu Isor samaṅaeme ar manot emaeme;

Exodus 23:11

menkhan eae bochorre do khetre cashõ alope casa ar cetʼ hõ alope rohoeya. Onare oka janamokʼ ona do ape talaren reṅgecʼ hoṛkoakʼ jomakʼ hoyokʼa ar oka ńur tahen ona do janwarko joma. Apeakʼ darkha ar jạitun bagwan babotre hõ inạ niạmge tahena.

1 Bõsbudạ 26:27

Lạṛhạire luṭ akatʼ adomakʼ jinisko onko do Probhu Isorakʼ oṛakʼ jut aroe ńutumte uni lạgitʼko begar dohoakatʼ tahẽkana.

Nehemiạ 5:10

Hoṛko ṭhen ińakʼ, ińren boehako ar ińren kạmiyạkoakʼ hõ ṭaka ar anaj reakʼ paona menakʼa. Menkhan dela, abo do noako bon ikạkakʼma.

Nehemiạ 9:14

Amge amakʼ sonot jirạukʼ mãhã reaṅem baḍae ocoletʼkoa ar amren guti Mose hotete hukum ar ạn-ạrikom ematʼkoa.

Nehemiạ 13:15

Ona jokhecʼ iń ńelkeda Jihudạren hoṛko do jirạukʼ mãhãre darkhako lelen kana, phosolko samṭaoeda ar ona phosol, darkha rasa, loa jo ar eṭakʼ sanamakʼ bojhako do gadhareko ladeyeda. Ona chaḍa onko do jirạukʼ mãhãre Jerusalemte onako aderetʼkana. Onate jirạukʼ mãhãre jomakʼ jinis ạkhriń babotre onkoń sontorkatʼkoa.

Nehemiạ 13:18

Aperen hapṛamko do cetʼ nonkage bako kạmileda, ona iạte aboren Isor do abo cetanre, niạ nagraha cetanre bạṛicʼakʼ bae hoyocoakada? Ńitokʼ ape do jirạukʼ mãhã bape sonotetʼte Isor do Israelko cetanre arhõpe bekusi ocoyede kana.”

Nehemiạ 13:21

Iń do onko sontor katʼkoteń metatʼkoa, “Ape do pạcri ṭhen cedakʼpe aṅga hạṭińokʼ kana? Arhõ jodi niạ kạmigepe kạmi enḍekhan ape upạrte bebostań hataoa.” Ar unkhon onko do jirạukʼ mãhãre ar bako hijukʼkan tahẽkana.