Nehemiạ 1:8 - সান্তালী বাইবেল

⁸ “Nehõrokʼ kạnạń, amren guti Mose okaṭakʼ hukumem em akawade ona baṛe disạime. Amem menleda, ‘jodi bepạtiạrkope hoyokʼ enḍekhan iń do eṭakʼ jạtrenko talareń chirchạturpea;

Nehemiạ 1:8 Referans Kwoze

Dosar Biboron 28:64

“Ona tayom Probhu Isor do dhạrti reakʼ mitʼ simạna khon eṭakʼ simạna hạbicʼ sanam jạtrenko talareye chirchạturpea. Onḍe do ape ar aperen hapṛamkoren kaṭ ar dhiriren bin oprom murhutʼkope sewawakoa.

Luk 1:72

Uni do aboren hapṛamko mãyãwako lạgitʼ acʼakʼ sonot bondobos, metakʼme acʼakʼ gokʼakʼ purạu lạgitʼ, aboe rukhiyạ akatʼ bona.

Sereńko 119:49

Amren golam ṭhen okaṭakʼem gokʼakatʼ ona baṛe disạime; ona hotetege am do ińem as akadińạ.

Jeheskel 22:15

Iń do amren hoṛko eṭakʼ eṭakʼ jạtrenko talare ar disạmko talareń chirchạturkoa ar amakʼ besaphawakʼ iń sạṅgiń giḍikakʼa.

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Jeheskel 6:8

“ ‘Tobe thoṛa hoṛ do jiwetʼ iń dohokoa; aperen paskaokʼko do tinre eṭakʼ eṭakʼ disạm ar jạtrenko talareko chirchạturokʼa unre onko hoṛ do gujukʼ reakʼ ti khon rukhiyạko ńama.