Nehemiạ 1:2 - সান্তালী বাইবেল

² Unre Hanani ńutuman ińren boehako modren mitʼ hoṛ ar Jihudạren adom hoṛko do Susanteko hecʼena. Ar iń do Babelre bondi dosa khon okoe hoṛko ruạṛ senakan ar Jerusalem reaṅ onko ṭheniń kuliyana.

Nehemiạ 1:2 Referans Kwoze

Nehemiạ 7:2

Ińren boeha Hanani ar gaṛren mukhiyạ Hananiạ tekin do Jerusalem reakʼ bhariń ematʼkinạ, ente Hananiạ do dhorom hoṛe tahẽkana ar ḍherko khon pạtiạr ar Isor botorae hoṛe tahẽkana.

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Jeheskel 7:16

Ar okoe jiwetʼko tahen arko ńir bańcaokʼ onko do jotoge buru boṭkocʼkoreko tahena ar mimitʼko do akoakʼ kại lạgitʼ buru nalaren potam lekako homor halaṅa.

Jirimiạ 44:14

Nonkate Misor disạmre tahen lạgitʼko hecʼakan Jihudạren sarecʼko do cele hõ bako paskaokʼa, ar bako sarejokʼa, onko do Jihudạ disạmte ruạṛ lạgitʼko ahkaokʼgea, menkhan celege bako ruạṛa mitʼ bar ńir paskaokʼko chaḍa.”

Esra 9:14

Ale do cetʼ amakʼ hukumko batao baṅkate bạṛicʼko kạmikan hoṛko tulucʼle bapla midokʼte onko sãotele peṛakʼa? Arle onkae khan am do ale cetanrem edrekʼte alem marao giḍikalea ar celege jiwetʼ do bam doholeya.

Genesis 14:10

Sidim bilạn ṭạnḍire Alkatrate perecʼ aema ghaḍlakʼko tahẽkana. Tinre Sodom ar Gomorren rajko dạṛetʼ tahẽkana unre onko modren adomko do ona alkatra ghaḍlakʼreko ńurena, ar eṭakʼko do buru secʼko dạṛkeda.

2 Rapajko 24:14

Ona chaḍa Jerusalemren sanamko, metakʼme sanam gutiko ar lạṛhại birko, sanam kạrigolko ar kamarko jotote uni do gel hajar hoṛe bondi idiketʼkoa. Disạmren reṅgecʼ hoṛ chaḍa ar celege bako sarecʼ lena.

2 Rapajko 25:12

menkhan darkha bagwan ńel todarot ar jumi cas lạgitʼ thoṛa reṅgecʼ hoṛ do disạmreye doho oṭokatʼkoa.