Nạhum 2:8 - সান্তালী বাইবেল

⁸ Niniwi do phoṛ akatʼ mitʼṭecʼ pukhri leka one ona reakʼ dakʼko ạtu oḍokokʼkan. Onko do “Teṅgokʼpe, teṅgokʼpe” menteko hohoyetʼkana menkhan uniren hoṛ do celege tayom secʼ bako beṅgetʼ ạcureda.

Nạhum 2:8 Referans Kwoze

Johan sodor 17:15

Ona tayom uni serma goḍete metadińạ, “Am do oka dakʼem ńelketʼ, okare uni kusmbiye duṛupʼakan, ona do ạḍi utạr disạm kana, ạḍi utạr hoṛ kanako, ạḍi utạr jạtrenko ar ạḍi utạr pạrsiko kana.

Johan sodor 17:1

Okoe eae goṭen serma goḍetkoakʼ tire eae goṭecʼ bạṭi tahẽkan onko modren mitʼ hoṛ do hecʼkateye metadińạ, “Dela hijukʼme, aema dakʼ cetanre okoe kusmbiye duṛupʼakan uniyakʼ sạjạiyiń udukʼama.

Nạhum 3:17

Amren hohorhoko ar kạmiyạko do jhãke jhãk pohoko lekage, one onko do rabaṅ dinre bhit cetanreko duṛupʼ tahenkan ar siń candoe rakapʼlen khan doko uḍạu calakʼkan, ar okateko calakʼkana ona do celege bako baḍaea.

Jirimiạ 51:30

Babelren birbanṭako do lạṛhạiko thirakana; onko do akoakʼ gaṛrege menakʼkoa. Onkoakʼ daṛe do ńurentakoa; ar maejiuko lekako nijor akana. Onkoakʼ tahen ṭhạ̃i do seṅgelteko jeretʼ akatʼtakoa; Babel reakʼ sanam phaṭok duạr reakʼ huṛkạṛko do rạputʼ ocoakana.

Jirimiạ 50:16

Babelre okoe do itạko erokʼkan ar okte nạpitreko irokʼkan onko mitʼmitʼko do maraokope. Sasantaokoakʼ tarwaṛe reakʼ botorte mimitʼko do akoren hoṛ ṭhenko ruạṛ calakʼa, ar mimitʼko do akoakʼ disạmteko dạṛjoṅa.

Jirimiạ 46:5

“Iń do cetʼ iạte noakoń ńeleda? Onko do botor caṛhao akatʼkoa, arko pạcakana, onkoren lạṛhại bir doko bhagao ocoyena. Onko do tayom secʼ beṅgetʼ ruạṛ baṅkate am ińko dạṛjoṅkana, ente beṛhaetege toras do menakʼa.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Jesaea 47:13

Am okaṭakʼ solham ńamakatʼ ona do ame laṅga ocoakatʼmea. Amren gukʼniko do samaṅ secʼko hijukʼma; ipilko ńelte okoe do cando candoko nạbiyetʼ onko do amre oka paṛao lạgidokʼkan ona khonko rukhiyạmema.

Jesaea 13:14

“Lagayede kan selepʼ jel leka, gupi begor bhiḍi leka mimitʼko do akoren hoṛ ṭhenko ruạṛ calakʼa, mitʼke mitʼ hoṛ do akoakʼ disạmteko dạṛa.

Genesis 10:11

Uni do onḍe khon Ạsur hạbicʼ acʼakʼ rajosṭiye pasnao idiketʼtaea. Onḍenakʼ Ninwi, Rehobot, Ir, Kalah ńutumanakʼ nagraha do unigeye teṅgoleda. Noa modre Resen do Ninwi ar Kalah talare tahẽkana. Ar noako mitʼkate mitʼṭecʼ maraṅ nagraha tearlena.

Jirimiạ 51:13

E Babel, am do ḍher dakʼ aṛerem thamgạḍi akana ar ḍher dhonem ạidạri akawana; amakʼ ses do seṭerakana, ar am kamanme reakʼ okte hõ seṭerakana.

Jirimiạ 47:3

Onko do bandhaṛ sadomkoakʼ khurạ reakʼ kaṭapʼ kaṭapʼ saḍe, bạirikoakʼ rãt gạḍiko reakʼ huḍ huḍạukʼ saḍe ar pạ̃ihạ̃ko reakʼ giṛgiṛ saḍeko ańjoma. Unre baba do akoren hoponko goṛowako lạgitʼ bako ruạṛa; onkoakʼ ti do lạbṛugokʼtakoa.

Nạhum 1:1

Niniwi babotre Isorakʼ katha. Elkosi atoren Nạhum oka dorsone ńelletʼ ona do noa puthire ol akana.

Jesaea 38:14

Bhạluạ ar kõkʼ lekań keco beḍrokʼkan tahẽkana, potam lekań kuku ḍuburetʼ tahẽkana. Coṭ secʼ beṅgetʼ beṅgetʼte ińakʼ mẽtʼ do ṭolmolaokʼ kantiń tahẽkana. E Probhu Isor, iń doń cipạ ocokʼ kana, ińakʼ bhar baṛe hataome.

Jesaea 59:11

Abo sanamkoge bana leka bon hukạueda, ar parwa leka bon bak bạkureda. Abo do dhorom reakʼ bicạr ar bańcaoge bon khojkana, menkhan ona do ḍher sạṅgińre tahenkana.