Nạhum 2:4 - সান্তালী বাইবেল

⁴ Onkoakʼ sanam rãt gạḍiko do hor horte hoe bharḍo leka calakʼkana ar nagraha reakʼ phaelao jaegako talate baṅ sambṛaoicʼ leka hante natekʼkana. Onako do ńelokʼte jolokʼkan mosal leka; ar bijli leka ńir baṛae kana.

Nạhum 2:4 Referans Kwoze

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Jeheskel 26:10

Uniren sadomko do nunạkʼko saṅgeya je, onkoakʼ uḍiạu dhuṛite am dom topa utạrokʼa. Ar rạputʼ bhit talate hoṛko cetʼleka nagrahateko bolokʼ onkage uni do tinre lạṛhại sadomko, sagaṛ gạḍiko ar rãt gạḍikoante amakʼ phaṭok duạrteye bolokʼa unre onako reakʼ sabadte amakʼ pạcri bhit do daldalaokʼa.

Jesaea 66:15

Ńelpe, Probhu Isor do seṅgelteye hijukʼa ar uniyakʼ rãt gạḍiko do hoe bharḍo lekage hijukʼa. Unre uni do acʼakʼ edreye sodortaea, uniyakʼ eger do seṅgel lepʼ leka sodorokʼa.

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Jesaea 37:24

Amren golamko hotete Probhu Isor dom landa-dhutʼae kana, amakʼ sanam rãt gạḍikoante bururem decʼakana, Lebanon reakʼ usul utạrakʼ cuṛạrem rakapʼ akana, ar ona reakʼ usul usul debdạru ar bhage bhage saro dareko dom makʼ giḍiakada, ar ona reakʼ bir bhitrikorem boloakana,

Jirimiạ 46:9

E sadomko, ape do ńir bhiṛạukʼpe. E rãt gạḍiko, ape do giṛgiṛạu baṛaepe. E birbanṭako, ḍhal akʼsenkan Kusren ar Puṭren hoṛko, ar Ludren dhinkiạko, ape do laha idikʼpe.

Jeheskel 23:24

Onko do utạr khon khanḍa bhanḍawante, rãt gạḍikote, sagaṛ gạḍikote ar mitʼ maraṅ phạdante am upạrteko hijukʼa. Onko do maran ar huḍiń ḍhalante bohokʼ aḍokʼ reakʼ ṭupri horokʼkate amko gherao esetʼmea. Ar iń do onkoakʼ tireń soprotmea ar akoakʼ niạm lekako sạjạimea.

Jeheskel 26:7

“E Tur, iń do am upạrte utạr secʼ khon sadomko, rãt gạḍiko, aswariko ar maraṅ okocʼ mitʼṭecʼ lạṛhại phạdko sãote rapajkoren raj, metakʼme Babelren raj Nebukadnesar iń ạguiyea.

Kạhtukko 31:21

Him ńurlenre hõ uniyakʼ gharońj lạgitʼ do jãhãn botor bạnukʼa, ente sanamkoge damanakʼ jeṅgetʼ arakʼ kicricʼteko oyokʼkana.